عالىمدار كاسپيي يتبالىعىنىڭ تىنىس-تٸرشٸلٸگٸ مەن ميگراتسييالىق ٶرٸسٸن ۇدايى باقىلاپ وتىرماق. بۇل ٷشٸن ولارعا ارنايى ميكروچيپ تاعىلدى, دەپ حابارلايدى "ۇلت اقپارات" «حابار 24» ارناسىنا سٸلتەمە جاساپ.
ەلٸمٸزدە يتبالىق تەك كاسپيي تەڭٸزٸندە عانا كەزدەسەدٸ. ٶكٸنٸشتٸسٸ سول, بٷگٸندە ولاردىڭ تۇقىمى ازايىپ بارادى. وسىعان وراي يحتيولوگ-عالىمدار جاڭا تەحنولوگييانىڭ كٶمەگٸمەن تەڭٸز ماقۇلىعىن جٸتٸ زەرتتەيتٸن بولادى. سپۋتنيكتٸك باقىلاۋعا ارنالعان ميكروقوندىرعى 9 ەرەسەك يتبالىققا تاعىلدى.
عالىمداردىڭ ايتۋىنشا, اق ايدىندا الاڭسىز تٸرلٸك كەشٸپ جٷرگەن سۋ جانۋارىنا بەلگٸ تاعۋ وڭاي شارۋا ەمەس.
«يتبالىقتارعا ارنالعان ميكروچيپ ولاردىڭ ارقاسىنا نەمەسە باسىنا ەپوكسيد جەلٸمٸنٸڭ كٶمەگٸمەن ورناتىلعان. ول تەڭٸز جانۋارىنىڭ ساۋلىعىنا ەش زالال كەلتٸرمەيدٸ. سول ارقىلى بٸز ولاردىڭ تٸرشٸلٸگٸن عارىشتان باقىلايمىز. جاتاعىن, ٶرٸسٸن انىقتايمىز, ەسەبٸن الامىز», - دەيدٸ تەڭٸز بيورەسۋرسىن زەرتتەۋشٸ عالىم گٷلسٸم مۇتىشەۆا.
جاڭا جوبانىڭ نەتيجەسٸ عالىمداردىڭ ٶزدەرٸن دە تاڭعالدىرىپ وتىر. ولار عارىشتىق جٷيە ارقىلى يتبالىقتارمەن جەتە تانىسا باستاعان.
ەكولوگييالىق مەكەمەنٸڭ ديرەكتورى قۋانىشبەك مۇحانوۆتىڭ سٶزٸنشە, بەلگٸ تاعىلعان يتبالىقتىڭ بٸرٸ بٸر ايدىڭ ٸشٸندە ماكاچكالاعا دەيٸن ساپارلاپ, 1 مىڭ شاقىرىم جول جٷرگەن.
وسىلايشا, عالىمدار تەڭٸز ماقۇلىعىنىڭ تىنىس-تٸرشٸلٸگٸنەن حاباردار بولادى. قاڭتار ايىندا يتبالىقتار مۇزعا تٶلدەي باستايدى. ەندٸ عالىمدار كٶشپەلٸ سۋ ماقۇلىعىنىڭ كٶبەيۋ پروتسەسٸن باقىلاماق. بۇل جۇمىستار رەسەيلٸك ەرٸپتەستەرٸمەن بٸرگە جٷزەگە اسىرىلادى. ول ٷشٸن ارنايى جابدىقتالعان ۇشاققا تاپسىرىس بەرٸلدٸ. يتبالىق – تەڭٸز جانۋارلارىنىڭ ٸشٸندەگٸ تٶلٸن سٷتپەن قورەكتەندٸرەتٸن بٸردەن-بٸر تٸرشٸلٸك يەسٸ.
كەيٸنگٸ 20 جىلدا تەڭٸز جانۋارلارىنىڭ ساناعى مٷلدە جٷرگٸزٸلمەگەن. رەسەيلٸك عالىمداردىڭ ەسەپتەۋٸنشە, بٷگٸندە كاسپيي تەڭٸزٸندە 300 مىڭ باس يتبالىق بار. ونىڭ 100 مىڭعا جۋىعى قازاقستاندىق سەكتوردا تٸرشٸلٸك ەتەدٸ. بٸراق, بۇل بولجام عانا. كٶپ ۇزاماي عالىمدار كاسپيي تەڭٸزٸنٸڭ سولتٷستٸك جاعالاۋىنداعى يتبالىقتاردىڭ ناقتى سانىن انىقتاي الادى.
