فوتو: اشىق دەرەككٶز
جەلٸدە سوڭعى كٷندەرٸ 3I/ATLAS جۇلدىزارالىق نىسانىنا قاتىستى پٸكٸرتالاس قايتا جانداندى. كەيبٸر قولدانۋشىلار بۇل نىساندى “بٶگدەعالامشارلىقتاردىڭ كەمەسٸ” دەپ بولجاسا, عالىمداردىڭ كٶبٸ مۇنداي تۇجىرىممەن كەلٸسپەي وتىر, دەپ حابارلايدى Ult.kz.
ATLAS تەلەسكوپتار جٷيەسٸ انىقتاعان بۇل كومەتا تٶڭٸرەگٸندەگٸ اجيوتاج گارۆارد ۋنيۆەرسيتەتٸنٸڭ پروفەسسورى, استروفيزيك اۆي لوۋبتىڭ سٶزٸنەن كەيٸن باستالعان ەدٸ. ول ٶز ماقالالارىندا 3I/ATLAS-تى بٶتەن ٶركەنيەتتەن كەلگەن تەحنولوگييالىق ارتەفاكت بولۋى مٷمكٸن دەگەن گيپوتەزانى ۇسىنعان.
“3I/ATLAS ٶز جارىعىن ٶزٸ شىعارا ما? ەگەر ول شىن مەنٸندە تەحنولوگييالىق قۇرىلعى بولسا, ونىڭ نيەتٸ قانداي — مەيٸرٸمدٸ مە, ەلدە قاۋٸپتٸ مە?” — دەپ جازعان ەدٸ لوۋب.
الايدا كەيٸنٸرەك ناسا ماماندارى بۇل پٸكٸردٸ جوققا شىعاردى. كٷن جٷيەسٸندەگٸ شاعىن دەنەلەردٸ زەرتتەۋ توبىنىڭ جەتەكشٸ عالىمى توم ستاتلەر The Guardian-عا بەرگەن سۇحباتىندا:
“بۇل نىسان كەدٸمگٸ كومەتا سيياقتى كٶرٸنەدٸ جەنە دەل سونداي قوزعالادى. بٸزگە بەلگٸلٸ باسقا كومەتالاردان ەش ايىرماسى جوق,” — دەدٸ.
كٶپ ۇزاماي, اۆي لوۋبتىڭ ٶزٸ دە ٶز كٶزقاراسىن ٶزگەرتٸپ, “ەڭ قاراپايىم تٷسٸنٸكتەمە — 3I/ATLAS شىنىندا دا كومەتا” ەكەنٸن مويىندادى. عالىمنىڭ ايتۋىنشا, ول تەك عىلىمي كٶزقاراستاردى سىناپ, جاڭا سۇراقتار قويۋدى ماقسات ەتكەن.
3I/ATLAS كومەتاسى قازٸر قايدا?
قاراشا ايىندا كومەتا بيكەش شوقجۇلدىزى بويىمەن قوزعالادى. الداعى اپتادا ول سپيكا جۇلدىزى مەن ۆەنەرانىڭ ماڭىنان ٶتپەك. ەسەپ بويىنشا, ول جەرگە ەڭ جاقىن قاشىقتىققا 2025 جىلعى 19 جەلتوقساندا كەلەدٸ.
ناسا ماماندارىنىڭ مەلٸمەتٸنشە, نىسان جەلتوقساننىڭ باسىندا كٷننٸڭ ارعى جاعىنان شىققان سوڭ, قايتادان جەردەگٸ تەلەسكوپتارعا كٶرٸنەدٸ.
