بٷگٸن استانادا VII قازاقستاننىڭ ازاماتتىق فورۋمى ٶتتٸ. بۇل قوعامدىق ۇيىمدار مەن بيلٸك ٶكٸلدەرٸنٸڭ اراسىندا ٶزارا ىقپالداستىق پەن ٸس-قيمىل جٷرگٸزۋ ٷشٸن قۇرىلعان ەرەكشە سۇقبات الاڭى. دەلەگاتتار كەزدەسۋٸ قازاقستان رەسپۋبليكاسى تەۋەلسٸزدٸگٸنٸڭ 25 جىلدىعى اياسىندا قر ۇلتتىق مۋزەيٸندە ٶتتٸ.
فورۋمعا رەسپۋبليكالىق جەنە ٶڭٸرلٸك ٷەۇ ٶكٸلدەرٸ, پارلامەنت دەپۋتاتتارى, ورتالىق جەنە جەرگٸلٸكتٸ اتقارۋشى ورگاندارىنىڭ ٶكٸلدەرٸ, حالىقارالىق ۇيىمداردىڭ ٶكٸلدەرٸ, ساراپشىلار جەنە باق ٶكٸلدەرٸ قاتىستى.
«ازاماتتىق قوعام دامۋىنىڭ جاعدايى جەنە پەرسپەكتيۆالارى» تاقىرىبىندا ٶتكەن فورۋمنىڭ پلەنارلىق وتىرىسىنا قازاقستان رەسپۋبليكاسى پرەمەر-مينيسترٸنٸڭ ورىنباسارى يمانعالي تاسماعامبەتوۆ قاتىستى. تالقىلاۋ بارىسىندا ۆيتسە-پرەمەر ٷكٸمەتتٸك ەمەس ۇيىمداردىڭ ەلدٸڭ ەلەۋمەتتٸك-ەكونوميكالىق جەنە قوعامدىق ٶمٸرٸندەگٸ جاسامپاز رٶلٸنٸڭ ماڭىزىن ەرەكشە اتاپ ٶتتٸ.
«ازاماتتىق فورۋم دەگەنٸمٸزدٸڭ ٶزٸ – بٸر ۇجىمنىڭ, يا بٸر ۇيىمنىڭ كٷندەلٸكتٸ ٶتەتٸن جينالىسى ەمەس, پٸكٸر-تالاسى قايناعان, ەلەۋمەتتٸڭ ايناسىن ايشىقتاپ, وسىعان وراي ۇسىنىس-تٸلەگٸن دايىنداعان ناعىز ويلى دا ورامدى ورتا. ونىڭ قوعامعا بەرەر قۇندىلىعى دا, مەملەكەتكە كەرەك شىندىعى دا, مٸنە, وسىندا. سٶز جوق, وسىندا وتىرعان كٶپشٸلٸگٸڭٸزدٸڭ ەل دامۋىندا قانشالىقتى ٷلەستەرٸڭٸز مول بولسا, تەۋەلسٸزدٸگٸمٸز بەن ەلباسىنىڭ دا ٶزدەرٸڭٸز تاسىن «ٶرگە دومالاتىپ جٷرگەن» ٷكٸمەتتٸك ەمەس ۇيىمداردىڭ ٶسٸپ-ٶركەندەۋٸندە رٶلٸ تالاسسىز» - دەدٸ ٶز سٶزٸندە يمانعالي تاسماعامبەتوۆ.
ۆيتسە-پرەمەر اتاپ ٶتكەندەي, بٷگٸنگٸ تاڭدا قازاقستاندا 18 مىڭنان اسا قوعامدىق ۇيىمدار تٸركەلگەن, ونىڭ ٸشٸندە 8 مىڭ ٷكٸمەتتٸك ەمەس ۇيىم بەلسەندٸ جۇمىس جاسايدى. ازاماتتىق سەكتوردا 30 مىڭ ادام جۇمىسپەن قامتىلعان. نەگٸزٸنەن بۇل جاستار ساياساتى مەن بالالار باستاماسى, حالىقتىڭ ەلەۋمەتتٸك از قامتىلعان توبىن قولداۋ, بٸلٸم جەنە عىلىم, سپورت جەنە دەنە تەربيەسٸ, سالاۋاتتى ٶمٸر سالتىن ناسيحاتتاۋ, ازاماتتاردىڭ ٶمٸرٸ مەن قۇقىقتارىن قورعاۋ سالاسىنداعى قىزمەتتەر.
فورۋم بارىسىندا ٷكٸمەتتٸك ەمەس ۇيىمدارى جەتٸستٸكتەرٸن كٶرسەتەتٸن كٶرمە ٶتتٸ. وندا قازاقستان تەۋەلسٸزدٸگٸنٸڭ قالىپتاسۋى مەن نىعايۋىنداعى قوعامدىق بٸرلەستٸكتەردٸڭ قوسقان ٷلەسٸ تانىستىرىلىپ, فورۋم دەلەگاتتارى مينيسترلٸكتەر مەن ۆەدومستۆولاردىڭ باسشىلارىمەن كەزدەستٸ. سونداي-اق, رەسپۋبليكالىق «تانىم» بايقاۋىنىڭ جەڭٸمپازدارىن سالتاناتتى ماراپاتتاۋ رەسٸمٸ ٶتتٸ.
ەسكە سالا كەتەيٸك, وسىناۋ فورۋم قارساڭىندا استانا, الماتى قالالارىندا جەنە وبلىس ورتالىقتارىندا ٷكٸمەتتٸك ەمەس ۇيىمداردىڭ ٶڭٸرلٸك فورۋمدارى ٶتتٸ. ونىڭ بارىسىندا ايماقتار الدىندا تۇرعان مەسەلەلەردٸ شەشۋ جولدارى تالقىلانىپ, ۇسىنىمدار ەزٸرلەندٸ جەنە رەسپۋبليكالىق فورۋمعا قاتىساتىن دەلەگاتتار سايلاندى.
سونىمەن قاتار, «تەۋەلسٸزدٸكتٸڭ 25 جىلدىعىنا ٷەۇ-نان 25 باستاما» رەسپۋبليكالىق اكتسيياسى ٶتتٸ. ياعني, ەربٸر ٶڭٸرلٸك فورۋم بارىسىندا ٷەۇ ٶكٸلدەرٸ بٸرٸگٸپ ايماقتىڭ ناقتى بٸر پروبلەماسىن شەشۋگە باعىتتالعان جوبانى جٷزەگە اسىرۋ باستاماسىن كٶتەردٸ. ٶڭٸرلٸك 16 باستامامەن قاتار, 9 رەسپۋبليكالىق قوعامدىق بٸرلەستٸك ەلەۋمەتتٸك مەسەلەلەردٸ شەشۋگە باعىتتالعان 9 باستاما كٶتەردٸ. وسىلايشا, «تەۋەلسٸزدٸكتٸڭ 25 جىلدىعىنا ٷەۇ-نان 25 باستاما» رەسپۋبليكالىق اكتسيياسى سالتاناتتى تٷردە باستاۋ الدى.
.jpeg)