اقش پرەزيدەنتٸ دجو بايدەن ەيەلٸ دجيلل بايدەنمەن بٸرگە ۇلىبريتانييانىڭ كورنۋولل گرافتىعىندا ٶتٸپ جاتقان G7 سامميتٸندە. 11 ماۋسىم 2021 جىل.
ەلەمنٸڭ ەڭ قۋاتتى مەملەكەتتەرٸنٸڭ باسشىلارى كەنجە دامىعان ەلدەردٸڭ ينفراقۇرىلىمىن دامىتۋ جوسپارىن ۇسىندى. بۇل قىتايدىڭ ٶزگە ەلدەرگە ارنالعان نەسيە ساياساتىنا بالاما بولماق. باتىس ەلدەرٸ پەكين وسى نەسيەلەر ارقىلى عالامدىق ىقپالىن ارتتىرۋدى كٶزدەيدٸ دەيدٸ.
الدىڭعى قاتارلى جەتٸ يندۋسترييالىق مەملەكەتتٸڭ (G7 نەمەسە "ٷلكەن جەتٸلٸك") باسشىلارى كەيٸنگٸ ەكٸ جىلداي ۋاقىتتىڭ ٸشٸندە العاش رەت بەتپە-بەت جينالىپ وتىر. كٷن تەرتٸبٸندە ۆاكتسينانى بٶلٸسۋ, ەدٸل ەكونوميكا قۇرۋ سەكٸلدٸ مەسەلەلەر تۇر.
ۇلىبريتانييانىڭ كورنۋولل گرافتىعىندا ٶتٸپ جاتقان سامميت 11 ماۋسىمدا باستالعان. ٷلكەن جيىننىڭ ەكٸنشٸ كٷنٸ اقش پرەزيدەنتٸ دجو بايدەن قىتايدىڭ ەتنيكالىق توپتاردىڭ قۇقىعىن ٶرەسكەل بۇزىپ وتىرعانىن ەسكە سالىپ, دامىعان دەموكراتييالى ەلدەردٸڭ باسشىلارىن پەكينگە بٸرگە تٶتەپ بەرۋگە ٷندەدٸ.
12 ماۋسىم كٷنٸ بايدەن ەكٸمشٸلٸگٸندە جۇمىس ٸستەيتٸن ەكٸ شەندٸ كانادا, ۇلىبريتانييا جەنە فرانتسييا ەلدەرٸ بايدەننٸڭ قىتايعا بٸرگە تٶتەپ بەرۋ باستاماسىن قولداپ وتىر دەدٸ.
گەرمانييا, يتالييا جەنە ەۋرووداق پەكينگە اشىق قارسى شىعۋعا ەكٸ ويلى بولىپ وتىر دەدٸ بايدەن ەكٸمشٸلٸگٸنٸڭ قىزمەتكەرلەرٸ باسپاسٶز مەسليحاتىندا.
اق ٷي قىزمەتكەرلەرٸنٸڭ سٶزٸنشە, بايدەن G7 ليدەرلەرٸن قىتايداعى مۇسىلمان توپتارعا باعىتتالعان مەجبٷرلٸ ەڭبەككە قارسى ورتاق ٷندەۋ جارييالاۋعا شاقىرىپ وتىر.
سونىمەن قاتار G7 ەلدەرٸ ينفراقۇرىلىمدى دامىتۋعا ارنالعان جوسپار ۇسىنۋدى تالقىلادى. بۇل جوسپار قىتايدىڭ "بٸر جول, بٸر بەلدەۋ" باعدارلاماسىنا بەسەكەلەس بولماق. باتىس باسشىلارى پەكين وسى باعدارلاماسى ارقىلى نەسيە الۋشى مەملەكەتتەردٸ ٶزٸنە تەۋەلدٸ ەتكٸسٸ كەلەدٸ دەپ الاڭدايدى.
بايدەن ەۋروپاعا ساپارىن 16 ماۋسىم كٷنٸ رەسەي پرەزيدەنتٸ ۆلاديمير پۋتينمەن كەزدەسكەننەن كەيٸن اياقتايدى. كەزدەسۋ جەنەۆا قالاسىندا ٶتپەك.
