فۋتزالدان قازاقستان قۇراماسى ەۋرو-2022 فينالدىق ساتىسىنىڭ جەرەبە تارتۋ رەسٸمٸندە بٸرٸنشٸ سەبەتتە بولادى, دەپ حابارلايدى قازاقپارات تٸلشٸسٸ UEFA سايتىنا سٸلتەمە جاساپ.
قۇرلىقتىق دودا 2022 جىلدىڭ 19 قاڭتارى مەن 6 اقپانى ارالىعىندا نيدەرلاندىنىڭ امستەردام جەنە گرونينگەن قالالارىندا ٶتكٸزٸلەدٸ. وندا بارلىعى 16 قۇراما باق سىنايدى.
قۇرامالار تٶرت توپقا بٶلٸنٸپ, ٶزارا سىنعا تٷسەدٸ. ەربٸر توپتان العاشقى ەكٸ ورىنعا يە بولعان قۇرامالار جارىستىڭ كەلەسٸ ساتىسىنا جولداما الادى.
قازٸر قۇرامالار تٶرت سەبەتكە بٶلٸنگەن. العاشقىسىندا يسپانييا, رەسەي, پورتۋگالييا, قازاقستان ورنالاسسا, ەكٸنشٸسٸندە حورۆاتييا, ەزەربايجان, سەربييا نەمەسە بەلارۋس, يتالييا جايعاسقان. ال ٷشٸنشٸسٸندە ۋكراينا, سلوۆەنييا, بوسنييا جەنە گەرتسەگوۆينا, پولشا بولسا, تٶرتٸنشٸ سەبەتتە فينلياندييا, سلوۆاكييا, گرۋزييا, نيدەرلاندى بار.
ايتا كەتەيٸك, جەرەبە تارتۋ رەسٸمٸ 18 قازان كٷنٸ ٶتەدٸ.
قازاقستاندىق فۋتزالشىلار ەۋروپا بٸرٸنشٸلٸگٸندە 2016 جىلى العاش رەت قاتىستى. سول جىلى توپتىق كەزەڭدە رەسەيدەن 1:2 ەسەبٸمەن جەڭٸلٸپ, حورۆاتييادان 4:2 ەسەبٸمەن باسىم تٷستٸ. ودان كەيٸن شيرەك فينالدا يتالييانى 5:2 ەسەبٸمەن سٷرٸندٸردٸ. جارتىلاي فينالدا يسپانيياعا 3:5 ەسەبٸمەن جول بەردٸ. ال 3-ورىن ٷشٸن سايىستا سەربييانى 5:2 ەسەبٸمەن جەڭٸپ, قولا جٷلدەگەر اتاندى.
2018 جىلعى قۇرلىقتىق دودادا B توبىندا پولشانى 5:1 ەسەبٸمەن جەڭسە, رەسەيمەن 1:1 ەسەبٸنە قاناعات بٸلدٸردٸ. ال شيرەك فينالدا سەربييادان 3:1 ەسەبٸمەن ايلاسىن اسىردى. جارتىلاي فينالدا يسپانييامەن نەگٸزگٸ كەزەڭدە 5:5 ەسەبٸمەن تەڭ ويناپ, پەنالتيدەن 1:3 ەسەبٸمەن ەسە جٸبەردٸ.
