فۋتزالدان چەمپيوندار ليگاسى: قازاقستاندىق ەكٸ كوماندا قارسىلاستارىنان جەڭٸلدٸ

بٷگٸن فۋتزالدان UEFA چەمپيوندار ليگاسى ەليتالىق ساتىسىنىڭ العاشقى تۋر ويىندارى ٶتكٸزٸلدٸ, دەپ حابارلايدى "ۇلت اقپارات".

جارىستىڭ اتالمىش ساتىسىندا الماتىنىڭ «قايراتى» مەن رۋدنىيدىڭ «ايات» كوماندالارى سىنعا تٷسەدٸ. ەكٸ كوماندا دا بٸرٸنشٸ تۋردا قارسىلاستارىنا ەسە جٸبەرٸپ قويدى.

«قايرات» باق سىناپ جاتقان س توبىنداعى ويىندار الماتى قالاسىندا ٶتكٸزٸلۋدە. بٷگٸن الماتىلىقتار يسپانييانىڭ «مۋرسييا ەل-پوسو» كومانداسىمەن كەزدەستٸ. بۇل كەزدەسۋدە يسپان فۋتزالشىلارى 4:1 ەسەبٸمەن جەڭٸسكە جەتتٸ. ولاردىڭ قاتارىنان فەرنان 19, ماتتەۋس 34, الەكس 36, البەرتو 37-مينۋتتاردا گول سوقسا, «قايرات» ساپىنان البەرتو 28-مينۋتتا جالعىز گولمەن جاۋاپ قايىردى.

ەندٸ «قايرات» 22 قاراشادا پورتۋگالييانىڭ «بەنفيكا», 24 قاراشادا يتالييانىڭ «پەسارو» كومانداسىمەن كەزدەسەدٸ. «بەنفيكا» بٷگٸن «پەسارودان» 1:5 ەەسبٸمەن جەڭٸلٸپ قالدى.

ال «ايات» ۆ توبىندا رەسەيدٸڭ تيۋمەن قالاسىندا بٷگٸن جەرگٸلٸكتٸ «تيۋمەن» كومانداسىنان 0:3 ەسەبٸمەن جەڭٸلٸپ قالدى. ەندٸ «ايات» 22 قاراشادا پورتۋگالييانىڭ «بەنفيكا», 24 قاراشادا حورۆاتييانىڭ «نوۆو ۆريەمە» كلۋبتارىمەن شەبەرلٸك بايقاسادى.

بۇدان بۇرىن «قايرات» جەنە «ايات» ەليتالىق كەزەڭگە جولداما العانىن حابارلاعان ەدٸك.