فۋتزالدان 2022 جىلعى ەۋروپا چەمپيوناتىنا ٸرٸكتەۋ كەزەڭٸندەگٸ قازاقستان قۇراماسى سىنعا تٷسەتٸن بەسٸنشٸ توپتا بٸر ويىن ٶتتٸ. اتالعان توپتاعى ۆەنگرييا جەنە بەلارۋس قۇرامالارى ٶزارا شەبەرلٸك بايقاستى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, بۇدان بۇرىن وسى توپتا سىنعا تٷسەتٸن يزرايل جەنە قازاقستان قۇرامالارىنىڭ 28 قاڭتارعا بەلگٸلەنگەن ويىنى كەيٸنگە شەگەرٸلگەنٸن حابارلاعان ەدٸك.
كەزدەسۋ ريشون-لە-تسيون قالاسىندا ٶتۋٸ تيٸس بولاتىن. اتالعان مەملەكەتتە 26-31 قاڭتار ارالىعىندا كوروناۆيرۋستىڭ تارالۋىنا جول بەرمەۋ ماقساتىندا حالىقارالىق رەيستەر جابىلدى. سوندىقتان اتالعان ويىندى كەيٸنگە شەگەرۋ جٶنٸندە شەشٸم قابىلداندى.
ال ۆەنگرييا جەنە بەلارۋس قۇرامالارى اراسىنداعى كەزدەسۋدە ماجار فۋتزالشىلارى 2:1 ەسەبٸمەن جەڭٸسكە جەتتٸ. العاشقى تۋردا ۆەنگرييالىقتار قازاقستاننان 0:5 ەسەبٸمەن جەڭٸلٸپ قالعان ەدٸ.
ال بەلارۋس قۇراماسى سىرت الاڭدا يزرايلدٸ 3:0 ەسەبٸمەن تٸزە بٷكتٸردٸ.
وسىلايشا تۋرنير كەستەسٸندە قازاقستان, ۆەنگرييا جەنە بەلارۋس قۇرامالارىنىڭ قورجىنىندا ٷش-ٷش ۇپايدان بار. ولاردان قازاقستاندىق فۋتزالشىلاردىڭ بٸر ويىنى كەم. سوڭعى ورىنداعى يزرايل ەزٸرگە ۇپايعا قول جەتكٸزگەن جوق.
ەكٸنشٸ تۋرداعى يزرايل مەن قازاقستان قۇرامالارى اراسىنداعى ويىننىڭ قاشان ٶتەتٸنٸ بەلگٸسٸز. ەۋروپالىق فۋتبول قاۋىمداستىقتارى وداعى (UEFA) ەكٸ قۇراما اراسىنداعى ويىن ٶتەتٸن جاڭا مەرزٸمدٸ كەيٸن بەلگٸلەيتٸن بولدى.
ٷشٸنشٸ تۋردا قازاقستاندىق فۋتزالشىلار ٶز الاڭىندا 2 ناۋرىزدا بەلارۋستٸ قابىلداسا, 3 ناۋرىزدا ۆەنگرييا مەن يزرايل ٶزارا كەزدەسەدٸ.
