تٷركٸستان قالاسىندا فۋتبولدان قازاقستان سۋپەركۋبوگى ٷشٸن ويىندار باستالدى, دەپ حابارلايدى "ۇلت اقپارات".
بٷگٸن بٸرٸنشٸ جارتىلاي فينالدىق ماتچتا الاڭعا «استانا» مەن قاراعاندىلىق «شاحتەر» كوماندالارى شىقتى.
ەسەپتٸ 18-مينۋتتا ەلوردالىق كوماندا ساپىنداعى چەرنوگورييالىق قورعاۋشى جاركو توماشەۆيچ اشتى.
بٸرٸنشٸ تايم سوڭىندا جاراقات العان «شاحتەردٸڭ» قاقپاشىسى يگور شاتسكييدٸڭ ورنىنا ەكٸنشٸ كەزەڭدە تيمۋربەك زەكٸروۆ شىقتى. 73-مينۋتتا ت.زەكٸروۆ قايتارعان دوپقا ارمەنييالىق شابۋىلشى تيگران بارسەگيان بٸرٸنشٸ بولىپ جەتٸپ, ەسەپتٸ 2:0-گە جەتكٸزدٸ.
وسىلايشا اندرەي تيحونوۆتىڭ شەكٸرتتەرٸ فينالعا شىقتى. «استانانىڭ» فينالداعى قارسىلاسى 3 ناۋرىز كٷنٸ «قايرات» پەن «توبىلدىڭ» اراسىندا ٶتەتٸن ويىننان كەيٸن انىقتالادى. جارتىلاي فينالدا جەڭٸلگەن كلۋبتار 5 ناۋرىزدا ٷشٸنشٸ ورىن ٷشٸن تالاسادى. فينالدىق ماتچ 6 ناۋرىزدا جوسپارلانعان.
