فۋتبولدان قازاقستان كۋبوگىنىڭ الداعى ويىندارىندا VAR جٷيەسٸ قولدانىلادى, دەپ حابارلايدى قازاقپارات.
قازاقستان فۋتبول فەدەراتسيياسى مەن قازاقستان كەسٸپقوي فۋتبول ليگاسى وسىعان بايلانىستى FIFA-نىڭ رەسمي رۇقساتىن الدى.
قازٸرگٸ ۋاقىتتا بٸرقاتار وتاندىق فۋتبول تٶرەشٸسٸ, وقۋدىڭ بارلىق كەزەڭٸنەن ٶتتٸ. اتالعان ماماندار رەسمي ويىنداردا VAR (video assistant referee) جەنە AVAR (assistant VAR) رەتٸندە جۇمىس ٸستەۋ ٷشٸن FIFA-نىڭ قاجەتتٸ ليتسەنزيياسىن الدى.
«كەلەسٸ ماۋسىمدا سۋپەركۋبوك, ەل بٸرٸنشٸلٸگٸ جەنە كۋبوك ويىندارىندا قىزمەت كٶرسەتەتٸن بارلىق تٶرەشٸ ٷشٸن وقىتۋ جەنە ليتسەنزييالاۋ پروتسەسٸ جالعاسۋدا.
وسى ماۋسىمداعى كۋبوكتىڭ جارتىلاي فينالدىق جەنە فينالدىق ويىندارى FIFA جەنە IFAB بەكٸتكەن VAR حاتتاماسىنا سەيكەس ٶتەدٸ», - دەپ جازىلعان قازاقستان كەسٸپقوي فۋتبول ليگاسى تاراتقان حابارلامادا.
ايتا كەتەيٸك, جارتىلاي فينالدا «استانا» مەن «قايرات», «توبىل» مەن «شاحتەر» كەزدەسەدٸ. كوماندالار 1/2 فينال ويىندارىن 6 جەنە 20 قاراشا كٷندەرٸ ٶتكٸزەدٸ.
فينال 28 قاراشاعا بەلگٸلەنگەن.
