فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون جەتٸنشٸ تۋرى مەرەسٸنە جەتتٸ, دەپ حابارلايدى "ۇلت اقپارات".
كەشە, 22 ماۋسىمدا اتالعان تۋردا ەلوردادا «استانا» شىمكەنتتٸڭ «ورداباسى» كلۋبىنان 0:2 ەسەبٸمەن جەڭٸلسە, ودان كەيٸن «اقجايىق» پەن «شاحتەر», «اقتٶبە» مەن «قىزىلجار» 1:1 ەسەبٸمەن تەڭ تٷستٸ.
بٷگٸن, 23 ماۋسىمدا تالدىقورعاندا «جەتٸسۋ» مەن «اتىراۋ» كوماندالارى كەزدەستٸ. ويىن بارىسىندا اتىراۋلىق كلۋب ساپىنان پەتر گجەلچاك 63-مينۋتتا ەسەپ اشسا, 75-مينۋتتا تالدىقورعاندىق ارتەم دميتريەۆ تارازى باسىن تەڭەستٸردٸ. جەڭٸس گولىن 83-مينۋتتا «اتىراۋ» ساپىنان برايان جەڭٸس گولىن سوقتى. وسىلايشا مۇنايلى قالانىڭ كومانداسى 2:1 ەسەبٸمەن باسىم تٷستٸ.
ال الماتىدا «قايرات» ٶز الاڭىندا اقتاۋدىڭ «كاسپيي» كومانداسىن قابىلدادى. ويىننىڭ 6-مينۋتىندا الماتىلىق ارتۋر شۋشەناچەۆ ەسەپ اشتى. ودان كەيٸن ۆاگنەر لاۆ 25, 71-مينۋتتاردا قوس گولدىڭ اۆتورى اتانسا, «كاسپيي» ساپىنان رۋسلان مينگازوۆ ەسەپ ايىرماسىن قىسقارتتى. بۇدان كەيٸن «قايرات» ساپىنان كامو وگانەسيان 83, گۋلجيگيت الىقۇلوۆ 90-مينۋتتاردا مەرگەندٸك تانىتىپ, قورىتىندى ەسەپتٸ بەلگٸلەدٸ. نەتيجەسٸندە الماتىلىق كلۋب قارسىلاسىن 5:1 ەسەبٸمەن تٸزە بٷكتٸردٸ,
«تاراز» ٶز الاڭىندا تٷركٸستاننىڭ «تۇران» كومانداسىمەن شەبەرلٸك بايقاستى. ويىن بارىسىندا تٷركٸستاندىق تەمٸرلان ەمٸروۆ 71-مينۋتتا ەسەپ اشسا, تارازدىق جاقىپ قوجامبەردٸ 87-مينۋتتا تارازى باسىن تەڭەستٸردٸ. ەكٸ كوماندا 1:1 ەسەبٸنە قاناعات بٸلدٸردٸ.
اتالعان تۋردى قىزىلوردادا جەرگٸلٸكتٸ «قايسار» مەن قوستانايدىڭ «توبىل» كوماندالارى تٷيٸندەدٸ. بۇل ويىندا الدىمەن قوستانايلىق سەرگەي مالىي 13-مينۋتتا ەسەپ اشسا, وعان «قايسار» ساپىنان يوۆان چادجەنوۆيچ 27-مينۋتتا بٸر گولمەن جاۋاپ قايىردى. ەكٸنشٸ كەزەڭنٸڭ 63-مينۋتىندا دميتريي ميروشنيچەنكو قايتادان «توبىلدى» العا شىعاردى. ال 74-مينۋتتا قوستانايلىق كلۋبتان رومان اسرانكۋلوۆ الاڭ يەلەرٸ قاقپاسىنا تاعى بٸر گول ەنگٸزدٸ. وسىلايشا «توبىل» الاڭ يەلەرٸن 3:1 ەسەبٸمەن جەڭٸپ, تۋرنير كەستەسٸندە كٶش باسىنا شىقتى.
ەندٸ 17-تۋر ويىندارى 27 جەنە 28 ماۋسىم كٷندەرٸ ٶتكٸزٸلەدٸ.
