بٷگٸن فۋتبولدان يتالييا كۋبوگىنىڭ فينالى ٶتتٸ. وسىلايشا اتالعان ەلدە دوپ دوداسى قايتا جالعاستى, دەپ حابارلايدى "ۇلت اقپارات".
فينالدىق ويىندا نەاپولدٸڭ «ناپولي» جەنە تۋريننٸڭ «يۋۆەنتۋس» كوماندالارى ٶزارا شەبەرلٸك بايقاستى. جەڭٸمپاز پەنالتي تەبۋ ارقىلى انىقتالدى. بۇل جولى «ناپولي 4:2 ەسەبٸمەن ۇتتى. وسىلايشا, كوماندا ٶز تاريحىندا التىنشى مەرتە كۋبوكتى تٶبەسٸنە كٶتەردٸ. ال «يۋۆەنتۋس» بۇدان بۇرىن 13 مەرتە كۋبوك يەگەرٸ اتانعان ەدٸ.
ەندٸ, يتالييادا 20 ماۋسىمدا ا سەريياسىنداعى 27-تۋر ويىندارى باستالادى. ول 23 ماۋسىمعا دەيٸن ٶتكٸزٸلەدٸ. ويىندار جانكٷيەرسٸز بولادى. چەمپيونات 2 تامىزدا مەرەسٸنە جەتەدٸ دەپ جوسپارلانىپ وتىر.
قازٸر تۋرنير كەستەسٸندە 26 ويىننان كەيٸن 63 ۇپايمەن «يۋۆەنتۋس» كٶش باستاپ كەلەدٸ. ودان كەيٸنگٸ ورىندارداعى «لاتسيونىڭ» - 62, «ينتەردٸڭ» 52 ۇپايى بار.
قازٸرگە دەيٸن انگلييا, گەرمانييا, يسپانييا چەمپيوناتتارى قايتا جالعاستى. ال فرانتسييادا دوپ دوداسى بٸتپەستەن «پاري سەن-جەرمەن» چەمپيون بولىپ شەشٸلدٸ.
