بٷگٸن فۋتبولدان يتالييا چەمپيوناتى مەرەسٸنە جەتتٸ, دەپ حابارلايدى "ۇلت اقپارات".
بيىل ا سەريياسىندا تۋريننٸڭ «يۋۆەنتۋس» كومانداسى چەمپيون اتاندى. تۋريندٸك كلۋب بۇل اتاققا ەكٸ تۋر بۇرىن قول جەتكٸزدٸ. وسىلايشا كوماندا ٶزٸنٸڭ تاريحىندا 36 مەرتە التىننان القا تاقتى.
نەتيجەسٸندە يتالييا كلۋبتارىنىڭ اراسىندا بۇل جٶنٸنەن رەكوردتىق كٶرسەتكٸشكە جەتتٸ. تاعى بٸر ايتا كەتەرلٸگٸ - سوڭعى سەگٸز جىلدا ا سەريياسىندا وعان تەڭ كەلەتٸن كلۋب تابىلماي تۇر.
«يۋۆەنتۋس» سوڭعى تۋردا «روما» كلۋبىمەن كەزدەستٸ. ولار قارسىلاسىنا 1:3 ەسەبٸمەن ەسە جٸبەردٸ. سوعان قاراماستان چەمپيوندىق اتاعىن ساقتاپ قالدى.
بيىل ەكٸنشٸ ورىن تاعدىرى سوڭعى تۋرعا دەيٸن شەشٸلگەن جوق. وعان «ينتەر», «اتالانتا», «لاتسيو» كوماندالارى تالاستى. سوڭعى تۋردا «اتالانتا» مەن «ينتەر» ٶزارا كەزدەسٸپ, ويىندا ينتەرلٸك فۋتبولشىلار 2:0 ەسەبٸمەن باسىم تٷستٸ.
ال «لاتسيو» سىرت الاڭدا «ناپولي» كلۋبىنان 1:2 ەسەبٸمەن جەڭٸلٸپ قالدى. نەتيجەسٸندە ەكٸنشٸ ورىن «ينتەرگە» بۇيىردى. ودان كەيٸنگٸ ەكٸ ورىندى «اتالانتا» مەن «لاتسيو» ٶزارا بٶلٸستٸ.
اتالعان تٶرت كوماندا الداعى ماۋسىمدا UEFA چەمپيوندار ليگاسىندا باق سىنايدى. تۋرنير كەستەسٸندە بەسٸنشٸ جەنە التىنشى ورىن العان «روما» مەن «ميلان» بيىل UEFA ەۋروپا ليگاسىنا قاتىسادى.
بيىل ا سەريياسىنان «لەچچە», «برەشييا» جەنە سپال كوماندالارى تٷسٸپ قالدى. ولاردىڭ ورنىن ۆ سەريياسىندا العاشقى ەكٸ ورىن العان «بەنەۆەنتو» جەنە «كروتونە» كوماندالارى باستى. تاعى بٸر جولداما 3-8 ورىن العان كوماندالار اراسىنداعى پلەي-وفف ساتىسى ارقىلى انىقتالادى.
ەستەرٸڭٸزگە سالا كەتەلٸك, ا سەريياسى كوروناۆيرۋس پاندەميياسىنا بايلانىستى ناۋرىز ايىندا توقتاتىلدى. ودان كەيٸن 20 ماۋسىمدا قايتا جالعاستى.
ا سەريياسىنداعى الداعى فۋتبول ماۋسىمى قاشان باستالاتىنى بەلگٸسٸز. ەزٸرگە ول 12 قىركٷيەككە جوسپارلانىپ وتىر.
ەگەر يتالييا چەمپيوناتى اتالعان مەرزٸمدە باستالماعان جاعدايدا كوماندالار ەكٸ ديۆيزيون بويىنشا سىنعا تٷسٸپ, ودان كەيٸن پلەي-وفف كەزەڭٸنە جالعاسۋى مٷمكٸن.
