ەۋروپالىق فۋتبول قاۋىمداستىقتارى وداعى (ۋەفا) ناۋرىز ايىندا ەۋروپا چەمپيوناتىن ٶتكٸزۋ فورماتىن ايقىندايدى, دەپ حابارلايدى SPORTINFORM تاسس اگەنتتٸگٸنە سٸلتەمە جاساپ.
قازٸرگٸ ۋاقىتتا كوروناۆيرۋس پاندەميياسىنا بايلانىستى بٸرقاتار ەۋروپا ەلدەرٸندە ستاديونداعى كٶرەرمەندەر سانىنا شەكتەۋ قويىلعان.
«بٸزدە ۋەفا-نىڭ ەۋروچەمپيوناتتى ٶتكٸزۋٸنٸڭ ٷش جاھاندىق ستسەنارييٸ قاراستىرىلادى دەگەن رەسمي ۇستانىم بار, بٸز وعان دايىندالىپ جاتىرمىز. ستسەنارييلەر انىق بەلگٸلٸ, دەيدٸ ەۋرو-2020 رەسەيلٸك ۇيىمداستىرۋ كوميتەتٸنٸڭ باس ديرەكتورى الەكسەي سوروكين.
كٶرەرمەندەردٸڭ بولماۋىنان تۋرنيردٸ تولىق فورماتتا ٶتكٸزۋگە دەيٸنگٸ دياپازون قاراستىرىلعان. ۋەفا پاندەميياعا قاتىستى وڭ ٶزگەرٸستەر بولادى دەپ ٷمٸتتەنٸپ وتىر, ٶيتكەنٸ باستاپقىدا-اق تۋرنيردٸڭ قالىپتى فورماتتا ٶتكٸزۋ نۇسقاسى قاراستىرىلعان. بۇعان دەيٸن بٸرنەشە باق تۋرنيرگە قاتىساتىن قالالار سانىن بٸر قالاعا دەيٸن قىسقارتۋ مٷمكٸندٸگٸ تۋرالى حابارلاعان بولاتىن.
«بٸز ۋەفا-نىڭ بارلىق 12 قالادا دايىندىق جٷرٸپ جاتقانى تۋرالى رەسمي ۇستانىمىنا سٷيەنەمٸز. بۇل تۇجىرىمدامادا ەشقانداي ٶزگەرٸس جوق», - دەپ جاۋاپ بەردٸ اگەنتتٸككە سۇحبات بەرۋشٸ «كەلەسٸ جازدا ەۋروپا چەمپيوناتىنىڭ ماتچتارى ٶتەتٸن قالالار سانى قىسقارۋى مٷمكٸن بە?» دەگەن سۇراققا.
ەۋروپا چەمپيوناتىن ٶتكٸزۋ باستاپقىدا ەۋروپانىڭ 12 قالاسىندا جوسپارلانعان ەدٸ: سانكت-پەتەربۋرگ, لوندون, ميۋنحەن, باكۋ, ريم, بۋحارەست, دۋبلين, كوپەنگاگەن, بيلباو, گلازگو, بۋداپەشت جەنە امستەردام. سانكت-پەتەربۋرگتە توپتىق كەزەڭنٸڭ ٷش ماتچى جەنە شيرەك فينالدىڭ بٸرٸ ٶتۋٸ تيٸس.
ەۋروپا چەمپيوناتى 2020 جىلدىڭ 12 ماۋسىمى مەن 12 شٸلدەسٸ ارالىعىندا ٶتۋٸ كەرەك ەدٸ. كوروناۆيرۋس پاندەميياسىنا بايلانىستى ۋەفا تۋرنيردٸ كەلەسٸ جىلدىڭ جازىنا اۋىستىرۋ تۋرالى شەشٸم قابىلدادى. جارىس 2021 جىلدىڭ 11 ماۋسىمى مەن 11 شٸلدەسٸ كٷندەرٸ ٶتەدٸ.
