Eýropalyq fýtbol qaýymdastyqtary odaǵy (ÝEFA) naýryz aiynda Eýropa chempionatyn ótkizý formatyn aiqyndaidy, dep habarlaidy SPORTINFORM TASS agenttigine silteme jasap.
Qazirgi ýaqytta koronavirýs pandemiiasyna bailanysty birqatar Eýropa elderinde stadiondaǵy kórermender sanyna shekteý qoiylǵan.
«Bizde ÝEFA-nyń eýrochempionatty ótkizýiniń úsh jahandyq stsenariii qarastyrylady degen resmi ustanym bar, biz oǵan daiyndalyp jatyrmyz. Stsenariiler anyq belgili, deidi Eýro-2020 reseilik uiymdastyrý komitetiniń bas direktory Aleksei Sorokin.
Kórermenderdiń bolmaýynan týrnirdi tolyq formatta ótkizýge deiingi diapazon qarastyrylǵan. ÝEFA pandemiiaǵa qatysty oń ózgerister bolady dep úmittenip otyr, óitkeni bastapqyda-aq týrnirdiń qalypty formatta ótkizý nusqasy qarastyrylǵan. Buǵan deiin birneshe BAQ týrnirge qatysatyn qalalar sanyn bir qalaǵa deiin qysqartý múmkindigi týraly habarlaǵan bolatyn.
«Biz ÝEFA-nyń barlyq 12 qalada daiyndyq júrip jatqany týraly resmi ustanymyna súienemiz. Bul tujyrymdamada eshqandai ózgeris joq», - dep jaýap berdi agenttikke suhbat berýshi «Kelesi jazda Eýropa chempionatynyń matchtary ótetin qalalar sany qysqarýy múmkin be?» degen suraqqa.
Eýropa chempionatyn ótkizý bastapqyda Eýropanyń 12 qalasynda josparlanǵan edi: Sankt-Peterbýrg, London, Miýnhen, Baký, Rim, Býharest, Dýblin, Kopengagen, Bilbao, Glazgo, Býdapesht jáne Amsterdam. Sankt-Peterbýrgte toptyq kezeńniń úsh matchy jáne shirek finaldyń biri ótýi tiis.
Eýropa chempionaty 2020 jyldyń 12 maýsymy men 12 shildesi aralyǵynda ótýi kerek edi. Koronavirýs pandemiiasyna bailanysty ÝEFA týrnirdi kelesi jyldyń jazyna aýystyrý týraly sheshim qabyldady. Jarys 2021 jyldyń 11 maýsymy men 11 shildesi kúnderi ótedi.
