فۋتبولدان فرانتسييا قۇراماسى 2022 جىلعى ەلەم چەمپيوناتىنا ٸرٸكتەۋ ساتىسىنداعى قازاقستانمەن كەزدەسۋٸنە قاتىساتىن ويىنشىلار تٸزٸمٸن جارييالادى, دەپ حابارلايدى "ۇلت اقپارات".
بۇل تٸزٸمدە انگلييانىڭ «چەلسي» كلۋبىنىڭ جارتىلاي قورعاۋشىسى نگولو كانتە جوق. ول قۇرامانىڭ ٶز الاڭىنداعى ۋكراينامەن كەزدەسۋٸندە جاراقات الىپ قالعان.
تٸزٸمدە ەسٸمٸ ەلەمگە ەيگٸلٸ فۋتبولشىلاردىڭ بارلىعى قامتىلعان.
اتاپ ايتقاندا, ولاردىڭ قاتارىندا بەلگٸلٸ كلۋبتاردىڭ نامىسىن قورعايتىن قاقپاشى ۋگو لوريس, جارتىلاي قورعاۋشىلار پول پوگبا, ۋسمان دەمبەلە, شابۋىلشىلار كيليان مباپپە, وليۆە جيرۋ, انتۋان گريزمانن بار.
فرانتسييا قۇراماسىنىڭ تولىق تٸزٸمٸ:
قاقپاشىلار: مايك مەنيان («ليلل»), ۋگو لوريس («توتتەنحەم»), ستيۆ مانداندا («مارسەل»), الفونس ارەوليا («فۋلحەم»).
قورعاۋشىلار: فەرلان مەندي («رەال»), ليۋكا دين («ەۆەرتون»), پرەسنەل كيمپەمبە (پسج), لەو ديۋبۋا («ليون»), كلەمان لانگلە («بارسەلونا»), ليۋكا ەرناندەس («باۆارييا»), كۋرت زۋما («چەلسي»), رافاەل ۆاران («رەال»), بەنجامەن پاۆار («باۆارييا»).
جارتىاي قورعاۋشىلار: پول پوگبا («مانچەستەر يۋنايتەد»), ۋسمان دەمبەلە («بارسەلونا»), ادريەن رابو («يۋۆەنتۋس»), مۋسسا سيسسوكو («توتتەنحەم»), توما لەمار («اتلەتيكو»), تانگي ندومبەلە («توتتەنحەم»), كينگسلي كومان («باۆارييا»).
شابۋىلشىلار: كيليان مباپپە (پسج), انتۋان گريزمانن («بارسەلونا»), وليۆە جيرۋ («چەلسي»), انتوني مارسيال («مانچەستەر يۋنايتەد»), ۆيسسام بەن-يەددەر («موناكو»).
ەستەرٸڭٸزگە سالا كەتەيٸك, قازاقستان اتالعان دوپ دوداسىنىڭ ٸرٸكتەۋ ساتىسىندا D توبىندا سىنعا تٷسەدٸ.
قارسىلاستارى - فرانتسييا, ۋكراينا, بوسنييا جەنە گەرتسوگوۆينا, فينلياندييا قۇرامالارى.
قازاقستاندىق فۋتبولشىلار العاشقى تۋردا ەشكٸممەن كەزدەسكەن جوق. ٶز الاڭىندا فرانتسييا ۋكراينامەن 1:1, فينلياندييا بوسنييا جەنە گەرتسوگوۆينامەن 2:2 ەسەبٸمەن تەڭ وينادى.
ەندٸ 28 ناۋرىزدا قازاقستان مەن فرانتسييا كەزدەسسە, سول كٷنٸ ۋكراينا فينلياندييامەن شەبەرلٸك بايقاسادى.
ەۋروپا قۇرلىعىندا 55 قۇراما 11 توپقا بٶلٸنگەن. ەربٸر توپتا العاشقى ەكٸ ورىنعا يە بولعان قۇرامالار ەلەم چەمپيوناتىنىڭ فينالدىق ساتىسىنا تٸكەلەي جولداما الادى.
ٸرٸكتەۋ كەزەڭٸ بيىلعى جىلدىڭ 16 قاراشاسىندا مەرەگە جەتەدٸ.
دٷبٸرلٸ دودانىڭ فينالدىق ساتىسى 2022 جىلدىڭ 21 قاراشاسى مەن 18 جەلتوقسانى ارالىعىندا كاتاردا ٶتەدٸ.
