اعىلشىن فۋتبول كلۋبتارى – «مانچەستەر يۋنايتەد» جەنە «ليۆەرپۋل» اراسىنداعى جوسپارلانعان ماتچ بولماي قالدى. وعان مانچەستەردەگٸ «ولد تراففورد» ستاديونىنا 200-گە جۋىق جانكٷيەر باسىپ كٸرٸپ, كلۋب يەلەرٸ – امەريكالىق گلەيزەر وتباسىنا نارازىلىعىن بٸلدٸرۋٸ سەبەپ بولدى, دەپ حابارلايدى BBC.
ماتچ 2 مامىر, جەكسەنبٸ كٷنٸ بريتانييالىق ۋاقىت بويىنشا ساعات 16:30 باستالۋى كەرەك ەدٸ. ماتچتىڭ ەندٸگٸ ٶتەتٸن كٷنٸ ەلٸ انىقتالمادى. كلۋبتار اراسىندا كەلٸسسٶزدەر جٷرەدٸ.
انگلييا پرەمەر-ليگاسىنىڭ ٶكٸلٸ ماتچتىڭ كەيٸنگە اۋىستىرىلۋىن «پوليتسييانىڭ, ەكٸ كلۋبتىڭ جەنە پرەمەر-ليگانىڭ بٸرلەسكەن شەشٸمٸ» بولدى دەپ مەلٸمدەدٸ.
بۇل پرەمەر-ليگا ماتچىنىڭ العاش رەت بولماي قالۋى. ٶتكەن ايدا «مانچەستەر يۋنايتەد» يەلەرٸ ەۋروپالىق سۋپەر ليگاعا قوسىلۋعا تىرىستى, الايدا جانكٷيەرلەردٸڭ جاپپاي نارازىلىعىنان كەيٸن ولار بۇل ويدان باس تارتتى.
كارانتين شەكتەۋلەرٸن قاتاڭ ساقتاپ, ميۋ مەن ليۆەرپۋل ويىنى دا بوس ستاديوندا ٶتۋٸ كەرەك ەدٸ. الايدا جٷزدەگەن جانكٷيەر الاڭعا كٸرٸپ كەتكەن. پوليتسييا ولاردى قۋىپ جٸبەردٸ, بٸراق ارادا ازداعان ۋاقىت ٶتكەندە ولاردىڭ كەيبٸرەۋلەرٸ الاڭعا قايتا جٷگٸرٸپ شىققان.
«مانچەستەر يۋنايتەد» پەن «ليۆەرپۋل» ويىنشىلارى تەرتٸپسٸزدٸك باستالعان كەزدە ستاديونعا قوناق ٷيلەرٸنەن ەلٸ شىعىپ ٷلگەرمەگەن.
«بٸزدٸڭ ۇستانىمىمىز – ويىندى ٶتكٸزۋ نەمەسە ٶتكٸزبەۋ تۋرالى شەشٸم قابىلداعان كەزدە قوعامدىق قاۋٸپسٸزدٸك بٸرٸنشٸ ورىندا بولۋى كەرەك. ستاديوننىڭ قاتىسۋشىلارى دا, قىزمەتكەرلەرٸ دە, باسقا دا رەسمي تۇلعالار تولىق قاۋٸپسٸزدٸكتە بولۋى كەرەك. ٶكٸنٸشكە وراي, وعان كەپٸلدٸك بەرۋ مٷمكٸن بولمادى», – دەلٸنگەن كلۋبتىڭ رەسمي مەلٸمدەمەسٸندە.
