قازاقستاندا فۋتبول كوماندالارى شىعىندارىنىڭ بٸرىڭعاي نورماتيۆتەرٸن بەلگٸلەۋ ورىنسىز. بۇل جايىندا مەجٸلٸس دەپۋتاتتارىنىڭ رەسمي ساۋالىنا جاۋاپ بەرگەن قر پرەمەر-مينيسترٸ اسقار مامين اتاپ ٶتتٸ, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا ۇلتتىق فۋتبول كوماندالارى جەرگٸلٸكتٸ بيۋدجەت پەن دەمەۋشٸلٸك قاراجات ەسەبٸنەن قارجىلاندىرىلادى. بۇل رەتتە ٶڭٸرلەردٸڭ ەرەكشەلٸگٸن, ولاردىڭ ەكونوميكالىق جاي-كٷيٸن ەسكەرە وتىرىپ, جەرگٸلٸكتٸ اتقارۋشى ورگاندار, سالالاردىڭ دامۋ باسىمدىقتارى نەگٸزٸندە ٶزدەرٸنٸڭ فۋتبول كلۋبىن قارجىلاندىرۋ ٷشٸن جەرگٸلٸكتٸ بيۋدجەتتەن بٶلٸنەتٸن قاراجات مٶلشەرٸن ٶزدەرٸ بەلگٸلەيدٸ», - دەلٸنگەن ٷكٸمەت باسشىسىنىڭ جاۋابىندا.
سونىمەن قاتار ول دەمەۋشٸلٸك قاراجاتتى تارتۋ ٶڭٸردە ٸرٸ ٶنەركەسٸپتٸك نىسانداردىڭ, قالادا جٷيە قۇراۋشى كەسٸپورىنداردىڭ بولۋىنا, بيزنەس ورتا مەن ينۆەستيتسييالىق ەلەۋەتٸنٸڭ دامۋىنا بايلانىستى ەكەندٸگٸنە نازار اۋدارتادى. مىسالى, «قايرات» (الماتى), «اتىراۋ» (اتىراۋ), «شاحتەر» (قاراعاندى) فۋتبول كلۋبتارى جەرگٸلٸكتٸ بيۋدجەتتەن بٶلٸنگەن قاراجاتتان باسقا, سونداي-اق ٸرٸ كەسٸپورىندار مەن كومپانييالاردىڭ دەمەۋشٸلٸك قاراجاتى ەسەبٸنەن قارجىلاندىرىلادى.
«وسىعان بايلانىستى ەكونوميكالىق دامۋداعى ٶڭٸرلٸك تەڭگەرٸمسٸزدٸكتٸ ەسكەرە وتىرىپ, قازٸرگٸ ۋاقىتتا فۋتبول كوماندالارى شىعىندارىنىڭ بٸرىڭعاي نورماتيۆتەرٸن بەلگٸلەۋ ورىنسىز. بۇل رەتتە فۋتبول كوماندالارىن قارجىلاندىرۋ بويىنشا تەسٸلدەردٸ ودان ەرٸ جەتٸلدٸرۋ ماقساتىندا مەدەنيەت جەنە سپورت مينيسترلٸگٸ جەرگٸلٸكتٸ اتقارۋشى ورگاندارمەن بٸرلەسٸپ فۋتبول سالاسىنداعى ساراپشىلاردىڭ قاتىسۋىمەن, ونىڭ ٸشٸندە وڭ حالىقارالىق تەجٸريبەنٸ ەسكەرە وتىرىپ, وسى مەسەلەنٸ زەرتتەيتٸن بولادى», - دەدٸ اسقار مامين.
ايتا كەتەيٸك, وسى جىلدىڭ 23 قاڭتارىندا مەجٸلٸستٸڭ بٸر توپ دەپۋتاتى سول كەزدەگٸ پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال جولداپ, فۋتبول كوماندالارى شىعىندارىنىڭ بٸرىڭعاي نورماتيۆتەرٸن بەلگٸلەۋ قاجەتتٸگٸن اتاپ كٶرسەتكەن ەدٸ.
