قازاقستان فۋتبول فەدەراتسيياسى ۇلتتىق قۇراما مەن كوسوۆا قۇراماسى اراسىندا جولداستىق ماتچتىڭ بولمايتىنىن رەسمي تٷردە جارييالادى, دەپ حابارلايدى "ۇلت اقپارات" Sports.kz-كە سٸلتەمە جاساپ.
«18 مامىر, 2021 جىل. قازاقستان ٷكٸمەتٸ ۇلتتىق قۇراماسىنىڭ كوسوۆوعا كەلۋٸنە رۇقسات بەرمەگەندٸكتەن, 4 ماۋسىمدا پريشتينادا جوسپارلانعان جولداستىق ماتچتىڭ بولمايتىنىن حابارلايمىز. بۇعان دەيٸن دارداندىقتار اۆسترييادا مالتاعا قارسى جولداستىق ماتچ ٶتكٸزەدٸ. ال 8 ماۋسىمدا انتاليياداعى كومور ارالدارىنا قارسى جوسپارلانعان كەلەسٸ جولداستىق ماتچ گۆينەيامەن اۋىستىرىلادى. بۇعان سەبەپ – انتاليياداعى Covid-19 جاعدايىنا بايلانىستى قويىلعان شەكتەۋلەر», – دەلٸنگەن كوسوۆونىڭ فۋتبول فەدەراتسيياسى سايتىندا.
