قازاقستان قۇراماسىنىڭ UEFA ۇلتتار ليگاسى 2020/2021 جىلدارداعى كەزەڭٸندەگٸ ويىن كەستەسٸ جارييالاندى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستاندىق قۇراما س ديۆيزيونىنىڭ تٶرتٸنشٸ توبىندا سىنعا تٷسەدٸ. قارسىلاستارى - ليتۆا, بەلارۋس جەنە البانييا قۇرامالارى .
ويىن كەستەسٸ بويىنشا قازاقستاندىق فۋتبولشىلار العاشقى كەزدەسۋٸن 4 قىركٷيەكتە سىرت الاڭدا ليتۆامەن باستاپ, ودان كەيٸن 7 قىركٷيەكتە ٶز الاڭىندا بەلارۋس قۇراماسىنىمەن وينايدى. ال 10 قازاندا البانييا قۇراماسىن قابىلداپ, 13 قازاندا سىرت الاڭدا بەلارۋسپەن كەزدەسەدٸ. قازاقستان قۇراماسى 12 قاراشادا سىرت الاڭدا البانييامەن, 15 قاراشادا ٶز الاڭىندا ليتۆامەن جاسىل الاڭعا شىعادى.
ەندٸ قارسىلاستارىمىز جايىندا از-كەم انىقتاما بەرە كەتەلٸك. 2020 جىلدىڭ 20 اقپانىندا جارييالانعان FIFA-نىڭ سوڭعى رەيتينگٸندە البانييا 66, بەلارۋس 87, ليتۆا 131 ورىندا تۇر. ال قازاقستان 118 ورىندا كەلەدٸ.
قازاقستاندىق قۇراما اتالمىش ٷش قارسىلاسىمەن دە بۇرىن كەزدەسكەن. فۋتبولشىلارىمىز البانييامەن 2005 جىلى ەلەم چەمپيوناتىنا ٸرٸكتەۋ كەزەڭٸندە كەزدەسٸپ, ولاردان 0:1, 1:2 ەسەبٸمەن جەڭٸلٸپ قالدى. ال بەلارۋسپەن 2009 جىلى ەلەم بٸرٸنشٸلٸگٸنە ٸرٸكتەۋ كەزەڭٸندە 1:5, 0:4 ەسەبٸمەن ەسە جٸبەرٸپ, 2011 جىلى جولداستىق كەزدەسۋدە 1:1 ەسەبٸمەن تەڭ تٷستٸ. ال ليتۆامەن 2014 جىلى ٶتكەن جولداستىق كەزدەسۋدە 1:1 ەسەبٸنە قاناعات بٸلدٸردٸ.
ايتا كەتكەن جٶن, UEFA ۇلتتار ليگاسى العاش رەت 2018 جىلى وينالدى. بۇل جولى قازاقستان قۇراماسى د ديۆيزيونىندا بٸرٸنشٸ توپتا گرۋزييا, لاتۆييا, اندوررا قۇرامالارىمەن كەزدەسٸپ, ٶز توبىندا ەكٸنشٸ ورىندى قاناعات تۇتتى. ال UEFA ۇلتتار ليگاسى 2018/2019 جىلدارداعى كەزەڭٸنٸڭ فينالدىق ساتىسىندا پورتۋگالييا چەمپيون اتاندى.
