فۋتبولدان الماتىنىڭ «قايرات» كومانداسى قۇرامىنا رەسەيلٸك جارتىلاي قورعاۋشى كيريلل كولەسنيچەنكو قوسىلدى, دەپ حابارلايدى "ۇلت اقپارات" كوماندا سايتىنا سٸلتەمە جاساپ.
كيريلل كولەسنيچەنكو 2000 جىلدىڭ 31 قاڭتارىندا رەسەيدٸڭ ۆولگوگراد وبلىسىنىڭ كامىشين قالاسىندا دٷنيەگە كەلگەن. ون بٸر جاسىنان مەسكەۋدەگٸ «چەرتانوۆو» فۋتبول مەكتەبٸندە تەلٸم الدى. ون بەس جاسىندا رەسەيدٸڭ كەسٸپقوي فۋتبول ليگاسىندا العاشقى ويىنىن ٶتكٸزدٸ. وسىلايشا رەسەيدە كەسٸبي دەڭگەيدە ويناپ جٷرگەن جاس فۋتبولشى اتاندى. 2015 جىلى رەسەيدٸڭ 16 جاسقا دەيٸنگٸ قۇراماسىنا شاقىرتۋ الدى. سول ەلدٸڭ پرەمەر-ليگاسىنداعى العاشقى ويىنىن 2018 جىلى حاباروسۆك قالاسىنىڭ «سكا-حاباروۆسك» كومانداسىندا ٶتكٸزدٸ. ودان كەيٸن قايتادان «چەرتانوۆو» كلۋبىنا ورالىپ, وندا 30 ويىندا 6 گول سوعىپ, 3 نەتيجەلٸ پاس بەردٸ.
«قايرات» كومانداسىنىڭ باسشىلىعى كيريلل كولەسنيچەنكومەن ٷش جىلعا كەلٸسٸم-شارتقا وتىردى.
قازاقستان پرەمەر-ليگاسىنىڭ ترانسفەرلٸك مەرزٸمٸ 3 سەۋٸرگە دەيٸن سوزىلادى.
