قازاقستان ۇلتتىق قۇراماسىنىڭ جارتىلاي قورعاۋشىسى يسلامبەك قۋات «ورىنبور» فۋتبول كلۋبىنا اۋىستى, دەپ حابارلايدى "ۇلت اقپارات".
رەسەيدٸڭ پرەمەر-ليگاسىندا ٶنەر كٶرسەتەتٸن «ورىنبور» فۋتبول كلۋبى ي.قۋاتپەن كەلٸسٸمشارتقا قول قويىلعاندىعىن حابارلادى.
«استانا», «وقجەتپەس», «اقتٶبە» كلۋبتارىندا دوپ تەپكەن يسلامبەكتٸڭ 2014 جىلدان بەرٸ الماتىنىڭ «قايراتىندا» ويناعانى بەلگٸلٸ.
ي.قۋات 2015 جىلدان ۇلتتىق قۇراما ساپىندا ەل نامىسىن دا قورعاپ كەلەدٸ. سول جىلى 10 قازاندا نيدەرلاندى قاقپاسىنا العاشقى گولىن سالعان-تىن. ٷش كٷننەن كەيٸن ريگادا لاتۆييا قۇراماسىمەن ماتچتا جەڭٸس گولىن سوعىپ, ەرەكشە كٶزگە تٷستٸ.
«ورىنبور» فۋتبول كلۋبىنا ەركٸن اگەنت رەتٸندە اۋىسقان 26 جاستاعى ي.قۋاتتى Transfermarkt.de سايتى 2 ملن ەۋروعا باعالاپ وتىر (سٶيتٸپ ول اتالمىش كلۋبتىڭ ەڭ قىمبات ويىنشىلارىنىڭ بٸرٸنە اينالدى).
يسلامبەككە جاڭا كوماندا قۇرامىنا سٸڭٸسٸپ كەتۋ وڭايعا تٷسپەسٸ انىق. «ورىنبور» كلۋبى تۋرنير كەستەسٸندە 18 تۋردان كەيٸن 19 ۇپايمەن 14-ورىندا كەلەدٸ. ٶتكەن ماۋسىمدا ورىنبورلىقتار چەمپيوناتتى جەتٸنشٸ ورىندا اياقتاعان بولاتىن. ەندٸ بيىل تٶمەنگٸ توپقا تٷسٸپ قالماۋ ٷشٸن كوماندا بارىن سالاتىنى بەلگٸلٸ.
قازٸرگٸ كەزدە رەسەيلٸك كلۋبتار قىسقى دەمالىستا. وسى قاڭتار ايىندا وقۋ-جاتتىعۋ جيىندارىنان كەيٸن 28 اقپاندا كٶكتەمگٸ تۋرلار باستالادى.
