بٷگٸن فۋتبولدان پرەمەر-ليگا كوماندالارى اراسىنداعى قازاقستان بٸرٸنشٸلٸگٸنٸڭ ەكٸنشٸ تۋرى باستالادى, دەپ حابارلايدى "ۇلت اقپارات".
كوماندالار 19 جەنە 20 ناۋرىز كٷندەرٸ ٶزارا شەبەرلٸك بايقاسادى. العاشقى كٷندە ٷش ويىن ٶتسە, كەلەسٸ كٷنگە تٶرت كەزدەسۋ بەلگٸلەنگەن.
ەكٸنشٸ تۋر ەلوردا ۋاقىتىمەن 14.00-دە «تاراز» جەنە «قىزىلجار» كوماندالارى اراسىنداعى كەزدەسۋمەن جالاۋىن كٶتەرەدٸ.
تارازدىق فۋتبولشىلار بٸرٸنشٸ تۋردا سىرت الاڭدا قىزىلوردانىڭ «قايسارىن» 3:2 ەسەبٸمەن جەڭٸپ كەتكەن ەدٸ. ال «قىزىلجار» شىمكەنتتە «ورداباسىمەن» كەزدەسۋٸ تيٸس بولاتىن. اۋا رايىنىڭ قولايسىزدىعىنان اتالعان كەزدەسۋ كەيٸنگە شەگەرٸلدٸ.
الماتىنىڭ «قايراتى» قىزىلوردادا جەرگٸلٸكتٸ «قايسارمەن» جاسىل الاڭعا شىعادى. ٶتكەن تۋردا ٶز الاڭىندا الماتىلىق ۇجىم تالدىقورعاننىڭ «جەتٸسۋىن» 2:0 ەسەبٸمەن تٸزە بٷكتٸردٸ. كەزدەسۋ ەلوردا ۋاقىتىمەن 16.00-دە باستالادى.
ەلوردالىق «استانا» ٶز الاڭىندا جەرگٸلٸكتٸ ۋاقىتپەن 18.00-دە اقتاۋدىڭ «كاسپيي» كلۋبىمەن جاسىل الاڭعا شىعادى. «استانا» العاشقى تۋردا تٷركٸستاندا «تۇرانمەن» 2:2, «كاسپيي» ٶز الاڭىندا «اقتٶبەمەن» 1:1 ەسەبٸمەن تەڭ تٷستٸ.
بٷگٸنگٸ ويىنداردىڭ بارلىعى «Qazsport» تەلەارناسىنان تٸكەلەي ەفيردە كٶرسەتٸلەدٸ.
ال 20 ناۋرىزدا «جەتٸسۋ» (تالدىقورعان) مەن «تۇران» (تٷركٸستان), «اقجايىق» (ورال) مەن «اتىراۋ», «شاحتەر» (قاراعاندى) مەن «ورداباسى» (شىمكەنت), «اقتٶبە» مەن «توبىل» (قوستاناي) كوماندالارى كەزدەسەدٸ.
