فرەددي مەركيۋريدٸ سومداعان رامي ماليك «ٷزدٸك اكتەر» اتالىمىندا «وسكار» الدى.
24 اقپاندا لوس-انجەلەستەگٸ دولبي تەاترىندا امەريكا كينو اكادەميياسىنىڭ "وسكار" جٷلدەسٸ 91-رەت تاپسىرىلدى.
رەجيسسەر پيتەر فاررەلليدٸڭ پيانيست دون شيرلي مەن كٶلٸك جٷرگٸزۋشٸسٸ توني ۆاللەلونگ اراسىنداعى دوستىقتى كٶرسەتكەن بيوگرافييالىق "جاسىل كٸتاپ" دراماسى "ٷزدٸك فيلم" نوميناتسيياسىن جەڭٸپ الدى.
"شەت تٸلٸندەگٸ ٷزدٸك فيلم" ساناتىندا الفونسو كۋاروننىڭ "روما" (مەكسيكا) فيلمٸ جەڭٸمپاز دەپ تانىلدى. وسى فيلم ٷشٸن الفونسو كۋارون "ٷزدٸك وپەراتورلىق جۇمىس" جەنە "ٷزدٸك رەجيسسەر" ساناتى بويىنشا تاعى ەكٸ "وسكاردى" يەمدەندٸ.
"قارا پانتەرا" ٷزدٸك كوستيۋم ديزاينى, ٷزدٸك قويۋشى-سۋرەتشٸ جۇمىسى جەنە ٷزدٸك مۋزىكا (ليۋدۆيگ يورانسسون) ٷشٸن ٷش "وسكارعا" يە بولدى.
"بوگەمدىق راپسودييا" دا ٷش جٷلدە الدى. بٸرٸ ٷزدٸك مونتاج ٷشٸن, قالعان ەكەۋٸ ٷزدٸك دىبىس ٷشٸن بەرٸلدٸ.
وسى فيلمنٸڭ باس كەيٸپكەرٸ فرەددي مەركيۋريدٸ سومداعان رامي مالەك "ٷزدٸك اكتەر" نوميناتسيياسىنداعى العاشقى "وسكارىن" الدى. ال, "فاۆوريت" فيلمٸندە ويناعان رٶلٸ ٷشٸن "ٷزلٸك اكتريسا" جٷلدەسٸ وليۆييا كوۋلمانعا بۇيىردى. كوۋلمان ٷشٸن دە بۇل – تۇڭعىش "وسكار".
قالعان نوميناتسييالار بويىنشا نەتيجە مىناداي:
- ەكٸنشٸ پلانداعى ٷزدٸك اكتەر – ماحەرشالا الي ("جاسىل كٸتاپ");
- ەكٸنشٸ پلانداعى ٷزدٸك اكتريسا – رەدجينا كينگ ("بيل-ستريت سٶيلەي السا");
- ٷزدٸك تولىق مەتراجدى انيماتسييالىق فيلم – "ٶرمەكشٸ-ادام";
- ٷزدٸك قىسقا مەتراجدى انيماتسييالىق فيلم – "باو";
- ٷزدٸك قىسقا مەتراجدى دەرەكتٸ فيلم – "نٷكتە. سٶيلەمنٸڭ سوڭى";
- ٷزدٸك ۆيجۋال ەففەكتٸلەر – "ايداعى ادام";
- ٷزدٸك قىسقا مەتراجدى كٶركەم فيلم – "تەرٸ";
- ٷزدٸك ەن – "جۇلدىز تۋدى" فيلمٸندەگٸ "Shallow" ەنٸ.
ەسكە سالا كەتەيٸك, قازاقستان اتىنان ۇسىنىلعان سەرگەي دۆورتسەۆويدىڭ مەسكەۋدەگٸ قىرعىز ميگرانت قىزىنىڭ تاعدىرى تۋرالى "ايكا" دراماسى بۇل ساناتقا ەنبەي قالعان. "ايكا" فيلمٸ بۇعان دەيٸن "شەتەل تٸلٸندەگٸ ٷزدٸك فيلم" جٷلدەسٸنەن ٷمٸتتٸ توعىز كارتينانىڭ قاتارىندا شورت-ليستكە ەنگەن ەدٸ.
