فرانتسييانىڭ TotalEnergies كومپانيياسى كاتاردىڭ ەنەرگەتيكالىق جوبالارىنداعى العاشقى ٸرٸ شەتەلدٸك سەرٸكتەس بولدى. ەۋروپا كومپانيياسى North Field East (NFE) گاز جوباسىنىڭ 6,25 پايىز ٷلەسٸن شامامەن ەكٸ ميلليارد دوللارعا ساتىپ الدى. بۇل جٶنٸندە France 24 تەلەارناسى حابارلادى, دەپ جازادى ازاتتىق.
"NFE كاتارعا سىعىمدالعان تابيعي گاز ٶندٸرٸسٸن 2027 جىلعا قاراي 60 پايىزدان اسا ۇلعايتۋعا كٶمەكتەسەدٸ" دەپ حابارلادى TotalEnergies. بۇل كەلٸسٸم كومپانييانىڭ رەسەيدەن كەتكەنٸنە وراي تارتقان شىعىنىن جابۋعا جەردەمدەسپەك.
كاتاردىڭ ەنەرگەتيكا مينيسترٸ سااد شەريد ەل-كاابي بٸرلەسكەن كەسٸپورىن جۇمىسى 2054 جىلعا دەيٸن جوسپارلانعانىن ايتتى. "ٶزگە شەتەل كومپانييالارى دا NFE ٷلەسٸن ساتىپ الادى, بٸراق ولاردىڭ ەشبٸرٸنٸڭ ٷلەسٸ TotalEnergies ٷلەسٸنەن كٶپ بولمايدى" دەگەن كاابي ٶزگە شەتەل كومپانييالارىنىڭ اتىن اتامادى. بۇل سالاداعى قاۋەسەتتەرگە قاراعاندا, سٶز - ExxonMobil, Shell جەنە ConocoPhillips تۋرالى بولۋى مٷمكٸن.
3 ماۋسىمدا ەۋرووداق ۋكرايناعا باسىپ كٸرۋٸنە بايلانىستى رەسەيگە سانكتسييانىڭ التىنشى پاكەتٸن سالعان. سانكتسيياعا رەسەي مۇنايى دا ٸلٸنٸپ, شەكتەلگەن. ەۋروپا وداعى التى اي ٸشٸندە رەەسي مۇنايىن, سەگٸز اي ٸشٸندە مۇناي ٶنٸمدەرٸن يمپورتتاۋدان باس تارتاتىندىعى جٶنٸندە شەشٸم قابىلداعان. ەۋروپا ەلدەرٸ رەسەي مۇنايىنىڭ ورنىن باساتىن ەنەرگورەسۋرستار ٸزدەستٸرٸپ جاتىر.
