فرانتسييانىڭ برەتاني ٶڭٸرٸندە تۇراتىن ەرلٸ-زايىپتى قازىنا تاۋىپ العان, دەپ حابارلايدى Le point باسىلىمى.
ولار بٸرنەشە ونداعان جىل بويى تۇرىپ جاتقان ٷيٸن جٶندەۋگە شەشٸم قابىلداعان. ەڭ الدىمەن ەكٸ بٶلمەنٸ بٸرٸكتٸرمەك بولعان.
جۇمىسشىلار قابىرعانى قۇلاتىپ, تٶبەلٸك ارقالىقتى وپىرا باستاعان, بٸراق كەنەتتەن ەدەنگە بٸر نەرسە قۇلاپ تٷسكەن.
قۇلاپ تٷسكەن زاتتار جارقىراعان التىن مونەتالار بولىپ شىقتى. وندا XIV پاتشا ليۋدوۆيكتٸڭ ايقىن بەينەسٸ كٶرٸنەدٸ.
ەرلٸ-زايىپتىلار ٶزدەرٸ تاۋىپ العان بٸرەگەي قازىنا تۋرالى دەرەۋ پرەفەكتۋراعا حابارلاعان. ولاردىڭ ٷيٸنە قازىنانى زەرتتەيتٸن ارحەولوگييا قىزمەتٸنٸڭ ماماندارى بٸردەن كەلگەن. ولار تابىلعان بارلىق مونەتانى تٷپنۇسقالىعىن تەكسەرۋ ٷشٸن ٶزدەرٸمەن بٸرگە الىپ كەتتٸ.
كەيٸنٸرەك قازىنانىڭ XVII عاسىرعا جاتاتىنى بەلگٸلٸ بولدى. تابىلعان مونەتالاردىڭ (بارلىعى 200-دەن استام) باعدارلانعان قۇنى 150 مىڭ ەۋرونى قۇرايدى.
فرانتسييا زاڭى بويىنشا, 2016 جىلدان كەيٸن ٷيلەردەن تابىلعان بارلىق قازىنا مەن تاريحي ولجالار مەملەكەتكە تيەسٸلٸ. بٸراق بۇل ٷيدٸڭ يەلەرٸ ونى وسى زاڭ تالابى كٷشٸنە ەنەردەن كٶپ ۋاقىت بۇرىن ساتىپ العاندىقتان, تابىلعان زاتتار ولارعا تولىق كٶلەمدە قايتارىلدى.
باقىتتى جاندار اۋكتسيوندا قازىنانى ساتۋعا شەشٸم قابىلدادى, ال تٷسكەن قاراجاتتى تەڭ بٶلٸپ, تيٸستٸسٸن ٷش جۇمىسشىعا دا بەرمەك.
