Frantsiianyń Bretani óńirinde turatyn erli-zaiypty qazyna taýyp alǵan, dep habarlaidy Le point basylymy.
Olar birneshe ondaǵan jyl boiy turyp jatqan úiin jóndeýge sheshim qabyldaǵan. Eń aldymen eki bólmeni biriktirmek bolǵan.
Jumysshylar qabyrǵany qulatyp, tóbelik arqalyqty opyra bastaǵan, biraq kenetten edenge bir nárse qulap túsken.
Qulap túsken zattar jarqyraǵan altyn monetalar bolyp shyqty. Onda XIV patsha Liýdoviktiń aiqyn beinesi kórinedi.
Erli-zaiyptylar ózderi taýyp alǵan biregei qazyna týraly dereý prefektýraǵa habarlaǵan. Olardyń úiine qazynany zertteitin arheologiia qyzmetiniń mamandary birden kelgen. Olar tabylǵan barlyq monetany túpnusqalyǵyn tekserý úshin ózderimen birge alyp ketti.
Keiinirek qazynanyń XVII ǵasyrǵa jatatyny belgili boldy. Tabylǵan monetalardyń (barlyǵy 200-den astam) baǵdarlanǵan quny 150 myń eýrony quraidy.
Frantsiia zańy boiynsha, 2016 jyldan keiin úilerden tabylǵan barlyq qazyna men tarihi oljalar memleketke tiesili. Biraq bul úidiń ieleri ony osy zań talaby kúshine enerden kóp ýaqyt buryn satyp alǵandyqtan, tabylǵan zattar olarǵa tolyq kólemde qaitaryldy.
Baqytty jandar aýktsionda qazynany satýǵa sheshim qabyldady, al túsken qarajatty teń bólip, tiistisin úsh jumysshyǵa da bermek.
