بەيسەنبٸ كٷنٸ فرانتسييانىڭ بٸرنەشە قالاسىندا ونداعان مىڭ جۇمىسشى ەل پرەزيدەنتٸ ەممانيۋەل ماكروننىڭ جوسپارلاعان زەينەتاقى رەفورماسىنا نارازىلىق بٸلدٸرۋ ٷشٸن كٶشەلەرگە شىقتى. وعان مۇعالٸمدەر, دەرٸگەرلەر, ەۋە ديسپەتچەرلەرٸ, تەمٸرجول جەنە قوعامدىق كٶلٸك جۇمىسشىلارى قاتىسقان, دەپ حابارلايدى The Local.fr سايتى.
فرانتسييانىڭ ٸشكٸ ٸستەر مينيسترلٸگٸ ەلدەگٸ زەينەتاقى رەفورمالارىنا قارسى دەمونستراتسييالارعا 800 مىڭعا جۋىق ادام قاتىسقانىن راستادى. تەك پاريج كٶشەلەرٸنٸڭ ٶزٸنە عانا 65 مىڭ ادام شىققان. ال كەسٸپوداقتاردىڭ مەلٸمەتٸنشە, ەرەۋٸلدەر مەن نارازىلىق شارالارىنا قاتىسقانداردىڭ سانى اناعۇرلىم كٶپ – 1,5 ميلليون ادام.
BBC News بەيسەنبٸ كٷنٸ كٶپتەگەن تۋريستٸك ورىندار, ونىڭ ٸشٸندە ەيفەل مۇناراسى جابىلعانىن اتاپ ٶتتٸ. پاريج پوليتسيياسىنىڭ حابارلاۋىنشا, نارازىلىق بٸلدٸرۋشٸلەر دٷكەن ۆيترينالارىن سىندىرىپ, قالانىڭ ەر جەرٸندە نىسانداردى ٶرتەگەن. ولارعا قارسى كٶز جاساۋراتاتىن گاز قولدانىلدى.
بۇل كٷنٸ كٶپتەگەن فرانتسۋزدار جۇمىسقا جەنە ٷيگە جاياۋ بارۋعا مەجبٷر بولدى. ٶيتكەنٸ قوعامدىق كٶلٸك تە, مەترو دا جۇمىس ٸستەمەدٸ. پاريجدەگٸ مەترو جەلٸلەرٸنٸڭ كٶپشٸلٸگٸ تولىعىمەن جابىلدى. ايتا كەتۋ كەرەك, كٷنٸنە 4 ميلليون جولاۋشى مەترو قىزمەتٸن پايدالانادى. ەل ەۋەجايلارىندا جٷزدەگەن رەيس توقتاتىلدى. سونداي-اق فرانتسييانىڭ كٶپتەگەن مەكتەپتەرٸندە ساباقتار بولعان جوق.
ايتا كەتەيٸك, فرانتسييادا سوڭعى ون جىل ٸشٸندە رەسمي زەينەتكە شىعۋ جاسى 60-تان 62-گە ٶزگەرتٸلدٸ. بۇل, ەكونوميكالىق ىقپالداستىق جەنە دامۋ ۇيىمى ەلدەرٸ اراسىندا ەڭ تٶمەنگٸ زەينەتتٸك جاس. مىسالى, ۇلىبريتانييادا زەينەتكە 66 جاستا شىعۋعا بولادى. ال تاياۋ ۋاقىتتا بريتاندىقتار بۇل مەجەنٸ 67 جاسقا كٶتەرۋدٸ جوسپارلاپ وتىر.
