قازاقستاندا كونتسەرت كەزٸندە فونوگراممامەن ەن ايتۋعا قاتىستى جاڭا تالاپ كٷشٸنە ەندٸ. ەندٸ كونتسەرتتٸك-ويىن-ساۋىق جەنە مەدەني-بۇقارالىق ٸس-شارالاردا ۆوكالدى فونوگراممانى پايدالانعان ورىنداۋشىلار مەن ۇيىمداستىرۋشىلار ەكٸمشٸلٸك جاۋاپكەرشٸلٸككە تارتىلۋى مٷمكٸن, دەپ حابارلايدى ult.kz.
ٶزگەرٸستەرگە پرەزيدەنت قاسىم-جومارت توقاەۆ 19 ماۋسىمدا قول قويعان «قازاقستان رەسپۋبليكاسىنىڭ قىلمىستىق كودەكسٸنە جەنە قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» №318-VIII قرز زاڭىندا كٶزدەلگەن.
زاڭعا سەيكەس, ەكٸمشٸلٸك قۇقىق بۇزۋشىلىق تۋرالى كودەكستٸڭ 156-بابى جاڭا ٷشٸنشٸ جەنە تٶرتٸنشٸ بٶلٸكتەرمەن تولىقتىرىلدى.
ەندٸ كونتسەرتتٸك-ويىن-ساۋىق جەنە مەدەني-بۇقارالىق ٸس-شارالار كەزٸندە ۇيىمداستىرۋشىلاردىڭ, شىعارماشىلىق ۇجىمدار مەن ورىنداۋشىلاردىڭ داۋىس (ۆوكالدى) فونوگرامماسىن پايدالانۋى ايىپپۇل سالۋعا ەكەپ سوعادى.
بٸرٸنشٸ رەت انىقتالعان جاعدايدا جەكە تۇلعالارعا 100 اەك, ال زاڭدى تۇلعالارعا 150 اەك كٶلەمٸندە ايىپپۇل سالىنادى.
ەگەر جازا قولدانىلعاننان كەيٸن بٸر جىل ٸشٸندە زاڭ بۇزۋشىلىق قايتالانسا, ايىپپۇل كٶلەمٸ ارتادى. بۇل جاعدايدا جەكە تۇلعالار 150 اەك, ال زاڭدى تۇلعالار 200 اەك تٶلەيدٸ.
الايدا جاڭا تالاپتىڭ دا ەرەكشەلٸكتەرٸ بار. تىيىم تەلەۆيزييالىق جازبالار مەن تٷسٸرٸلٸمدەرگە, سونداي-اق كونتسەرتتٸك ٸس-شارالاردى ٶتكٸزۋگە ارنايى بەيٸمدەلمەگەن جەنە ارنالماعان ٶزگە دە ورىندارعا قولدانىلمايدى.
وسىلايشا, ساحنادا جاندى داۋىسپەن ٶنەر كٶرسەتۋگە قويىلاتىن تالاپ كٷشەيٸپ, فونوگرامماعا سٷيەنەتٸن ورىنداۋشىلار مەن كونتسەرت ۇيىمداستىرۋشىلارىنا ناقتى ەكٸمشٸلٸك جاۋاپكەرشٸلٸك ەنگٸزٸلدٸ.
