فوتو: FlyArystan باسپاسٶز قىزمەتٸ
FlyArystan ەۋە كومپانيياسى ەۋەجايدا حالىقارالىق رەيستەرگە اقىلى تٸركەۋ قىزمەتٸن بٸر كٷنگە جەتپەي توقتاتتى, دەپ حابارلايدى Sputnik قازاقستان.
لوۋكوستەر 3 تامىزدان باستاپ ەۋەجايدا تٸركەلۋ قىزمەتٸن اقىلى ەتكەن. وسىدان كەيٸن ەلەۋمەتتٸك جەلٸدە ەۋە كومپانيياسىن سىنعا العان ادامدار كٶبەيدٸ. بٷگٸن كومپانييا اقىلى قىزمەتتٸ توقتاتاتىنىن مەلٸمدەدٸ.
"ٶكٸنٸشكە قاراي, حالىقارالىق رەيستەرگە ارنالعان قىزمەتتٸ ٸسكە قوسۋ كەزٸندە لوۋكوستەر كٷتپەگەن قيىندىقتارعا تاپ بولدى. وسىعان بايلانىستى بارلىق مەسەلە شەشٸلگەنشە وسى قىزمەتتٸ ەنگٸزۋ جۇمىسى ۋاقىتشا توقتاتىلدى. ەۋە كومپانيياسى ەۋەجايدا اقىلى تٸركەۋ قىزمەتٸن ساتىپ العان جولاۋشىلاردىڭ اقشاسىن قايتارىپ بەرەدٸ", - دەلٸنگەن رەسمي حابارلامادا.
ايتا كەتەرٸ, ونلاين تٸركەلۋ قىزمەتٸنە قاتىستى ٶزگەرٸس بولماعان. ول تەگٸن بولىپ قالا بەرەدٸ.
"بۇل حالىقارالىق ساياحاتتار ٷشٸن ٶتە تيٸمدٸ تەسٸل. جازعى ۋاقىتتا ەۋەجايدا ادام كٶپ. ال ونلاين تٸركەلۋدٸڭ ارقاسىندا ۇزىن-سونار كەزەكتەر پەن كەپتەلٸستەن قۇتىلۋعا بولادى", - دەيدٸ كومپانييا ماماندارى.
