Fly Arystan ەۋە بيلەتتەرٸ ناۋرىز ايىنىڭ سوڭىندا ساتىلا باستايدى

Fly Arystan بيۋدجەتتٸك ەۋە كومپانيياسى جۋىق ارادا ەۋە بيلەتتەرٸن ساتۋدى باستايدى, دەپ حابارلادى ازاماتتىق اۆياتسييا كوميتەتٸ.

قر ييدم ازاماتتىق اۆياتسييا كوميتەتٸ مەملەكەت باسشىسى نۇرسۇلتان نازارباەۆتىڭ تاپسىرماسىنا سەيكەس «ەير استانا» اۆياكومپانيياسىمەن بٸرلەسٸپ, Fly Arystan بيۋدجەتتٸك ەۋە كومپانيياسىن ٸسكە قوسۋ بويىنشا بەلسەندٸ جۇمىس جٷرگٸزٸلٸپ جاتقانىن ايتتى. 

«2019 جىلدىڭ 29 ناۋرىزىندا ەۋە كومپانيياسىنىڭ كوممەرتسييالىق رەيستەرٸنە بيلەتتەر ساتىلىمى باستالادى دەپ جوسپارلانىپ وتىر. قازاقستاننىڭ Fly Arystan اۆياكومپانيياسى 2019 جىلدىڭ مامىرىنان باستاپ كوممەرتسييالىق رەيستەردٸ ورىندايدى دەپ كٷتٸلۋدە. ەۋە كومپانيياسى الماتىدان استانا, اتىراۋ, كٶكشەتاۋ, پاۆلودار, قاراعاندى, قوستاناي, پاۆلودار, تاراز قالالارىنا كٷندەلٸكتٸ ۇشاتىن بولادى. جوسپارعا سەيكەس, باستاپقى كەزەڭدە كومپانييانىڭ ەۋە فلوتى «ەير استانا» ەۋەكومپانيياسىنىڭ 180 ورىندىق ەكونوم-كلاستى Airbus A320 ۇشاقتارىنان قۇرالماق. 2022 جىلدىڭ سوڭىنا قاراي لاينەرلەردٸڭ سانى 15-كە جەتەدٸ», - دەلٸنگەن كوميتەتتٸڭ حابارلاماسىندا.

لوۋكوست تاسىمالداعىشتاردىڭ دەستٷرلٸ اۆياكومپانييالاردىڭ بيزنەس-مودەلٸنەن باستى ايىرماشىلىعى - شىعىنداردى بارىنشا ازايتۋى. ەۋە بيلەتتەرٸنٸڭ قۇنىن ارزان باعامەن تٶمەندەتۋگە بٸرنەشە فاكتورلار ارقىلى قول جەتكٸزٸلەدٸ. اتاپ ايتقاندا, ەۋە كەمەلەرٸنٸڭ جوعارى سىيىمدىلىعى, ينتەرنەت ارقىلى بيلەت ساتىپ الۋ, ەۋە كومپانيياسىنىڭ جولجٷك باعاسىن بەلگٸلەۋ قۇقىعى, تۋريستٸك اگەنتتٸكتەرگە كوميسسييالاردىڭ بەرٸلمەۋٸ, قوسىلىس رەيستەرٸنٸڭ بولماۋى, كەمەدەگٸ بٸرىڭعاي  ورىندىقتار, ەۋە كەمەسٸنٸڭ مينيمالدى ەكيپاجى, ەۋە كەمەلەرٸنە جەردەگٸ قىسقا مەرزٸمدە قىزمەت كٶرسەتۋ, بارلىق قوسىمشا قىزمەتتەردٸ (باگاج, بورتتاعى تاماق نەمەسە كابيناداعى ورىندى تاڭداۋ جەنە ت.ب.) اقىلى ەتۋ, جاڭا ەۋە كەمەسٸنەن تۇراتىن ۇشاق پاركٸ, ولاردىڭ بارىنشا بٸردەي بولۋى مەن ەلەكتروندى بيلەتپەن عانا قامتاماسىز ەتۋ امالدارى ارقىلى ەۋە بيلەتٸنٸڭ قۇنىن ارزانداتۋ جوسپارلانىپ وتىر.

ەسكە سالا كەتسەك, وسى جىلدىڭ قاڭتار ايىندا ٷكٸمەتتٸڭ كەڭەيتٸلگەن وتىرىسىندا يندۋسترييا جەنە ينفراقۇرىلىمدىق دامۋ مينيسترٸ جەڭٸس قاسىمبەك 2019 جىلدىڭ بٸرٸنشٸ جارتىجىلدىعىندا تٶمەن بيۋدجەتتٸ Fly Arystan ۇلتتىق اۆياكومپانيياسى ٸسكە قوسىلاتىنىن مەلٸم ەتكەن بولاتىن.