بەس سالماق دەرەجەسٸندە ەلەمنٸڭ بۇرىنعى چەمپيونى امەريكالىق فلويد مەيۆەزەر ورتا سالماقتا WBA (Super), IBO, WBC جەنە IBF تۇجىرىمدارى بويىنشا ەلەم چەمپيونى قازاقستاندىق بوكسشى گەنناديي گولوۆكيندٸ (37-0, 33 كو) تاعى بٸر مەرتە سىننىڭ استىنا الدى, - دەپ حابارلايدى Vesti.kz.
"بٸز ەلٸ گولوۆكيننٸڭ جوعارى سالماق دەرەجەسٸنە كٶتەرٸلگەنٸن كٶرگەن جوقپىز. "كانەلو" بولسا اۋىستىردى. مەنٸڭ ويىمشا Triple-G قارسىلاس تاڭداۋدا ٸرٸكتەۋ ٶتكٸزەدٸ. ول اندرە ۋوردقا ەشقاشان ۇسىنىس تاستاعان جوق, مەنٸڭشە. GGG ودان قاشىپ جٷر. ول ەشقاشان ۋوردتىڭ ەسٸمٸن ايتقان ەمەس. سول سەبەپتٸ ول 168 فۋنتقا كٶتەرٸلۋٸ تيٸس, ودان كەيٸن جارتىلاي اۋىر سالماققا كٶتەرٸلٸپ, سول سالماقتا نە ٸستەي الاتىنىن بايقاپ كٶرۋٸ كەرەك", - دەدٸ مەيۆەزەر ES News پورتالىنا بەرگەن سۇحباتىندا.
وسىعان دەيٸن فلويد گولوۆكين-الۆارەس جەكپە-جەگٸنە بولجام جاساعان ەدٸ. امەريكالىق "كانەلونىڭ" جەڭەتٸنٸنە سەنەدٸ. بٸراق مەكسيكالىق بوكسشى ۇتىلعان جاعدايدىڭ ٶزٸندە دە مەيۆەزەر بٸرنەشە سىلتاۋ ويلاستىرىپ قويعان.
مەيۆەزەر گولوۆكيندٸ بٸرٸنشٸ رەت سىنعا الىپ تۇرعان جوق. سوڭعى بٸر سۇحباتىندا ول جۇرتتىڭ گولوۆكيندٸ نە ٷشٸن جاقسى كٶرەتٸنٸن تٷسٸنبەيتٸنٸن جەنە 40 جاسقا كەلگەنٸنە قاراماستان, گولوۆكيندٸ جەڭەتٸنٸن ايتقان.
ٶز كەزەگٸندە مەكسيكالىقتىڭ پروموۋتەرٸ وسكار دە لا حوييا مەيۆەزەرگە گولوۆكين-الۆارەس جەكپە-جەگٸنٸڭ جەڭٸمپازىمەن شىعۋعا ۇسىنىس تاستاعان.
