قازاقستاندىق كەسٸپقوي بوكسشى فيرۋزا شەرٸپوۆا سپورتتاعى كارەراسىن اياقتايتىنىن جارييالادى, دەپ حابارلايدى "ۇلت اقپارات".
«مەن ٶزٸمنٸڭ جاتتىقتىرۋشىلارىما, مەنەدجەرٸمە, كومانداما ەرەن ەڭبەگٸ ٷشٸن العىس ايتام. بٸز بٸرگە قازاقستاندا بٸرنەشە رەكورد ورناتتىق. كەسٸپقوي بوكستا وسىنداي قىسقا مەرزٸم ٸشٸندە بٸزدەن باسقا ەشكٸم مۇنداي زور نەتيجەگە جەتكەن ەمەس», - دەپ جازدى بوكسشى Instagram پاراقشاسىندا.
بوكسشى كەسٸپقوي بوكستاعى باستى تيتۋلعا بٸر قادام قالعانىمەن, وسى جەردەن توقتاۋعا مەجبٷر ەكەنٸن ايتادى.
«بٸز 2018 جىلى WBC بويىنشا ەلەم چەمپيونى اتاعىن الۋعا دايىن ەدٸك, بٸراق قارجىلىق سەبەپتەرگە بايلانىستى بۇل مٷمكٸن بولمادى. بٸزگە WBC ەلەم چەمپيونى اتاعىن الۋ ٷشٸن بٸرنەشە رەت قاراجات بەرٸلەدٸ دەپ ۋەدە ەتٸلگەنٸمەن, اقشا اقىرى بٶلٸنبەدٸ. ەكٸ جىل بويى وسى اتاقتى كەز كەلگەن ۋاقىتتا جەڭٸپ الۋ ٷشٸن فورمامدى ساقتاپ كەلدٸم. اقىرى كٷتە-كٷتە شارشادىم. ٶكٸنٸشكە قاراي, مەن بۇل كٷش-جٸگەردٸ نەتيجەگە اينالدىرۋدىڭ كەلەشەگٸن كٶرٸپ تۇرعان جوقپىن. وسى ۋاقىت ٸشٸندە كٶپ ۋەدە بەرٸلدٸ, بٸراق بەرٸ دە قۇر سٶز كٷيٸندە قالدى», - دەيدٸ ول.
بوكسشى بارلىق جانكٷيەرلەرٸنە العىس ايتتى.
«مەنٸ قولداعان بارلىعىڭىزعا كٶپ راحمەت ايتقىم كەلەدٸ. باستى اتاقتى جەڭٸپ, قۋانتا الماعانىم ٷشٸن كەشٸرٸڭٸزدەر. مەن قولدان كەلگەننٸڭ بەرٸن جاسادىم, بٸراق بەرٸ ماعان بايلانىستى ەمەس», - دەدٸ فيرۋزا شەرٸپوۆا.
