تٷركٸستان وبلىسىنىڭ فيردوۋسي اۋىلىندا ورامال تاققانى ٷشٸن مەكتەپكە كٸرگٸزٸلمەگەن وقۋشىلار ورامالدارىن شەشە باستادى. بۇل تۋرالى وسى اۋىلدا ٸسساپارمەن جٷرگەن ازاتتىق تٸلشٸسٸ حابارلادى.
بٷگٸن تاڭەرتەڭ ەلدٸ-مەكەندەگٸ فيردوۋسي اتىنداعى مەكتەپكە ورامالمەن كەلگەن جوعارى سىنىپتىڭ ونداعان وقۋشى قىزىن مەكتەپ باسشىلىعى ساباققا كٸرگٸزبەي قويعان. وقۋشىلارمەن 20 شاقتى اتا-انا دا جينالىپ, قىزدارىن مەكتەپكە كٸرگٸزۋدٸ تالاپ ەتكەن. مەكتەپتٸ كٷزەتٸپ تۇرعان پوليتسييا قىزمەتكەرلەرٸ جينالعانداردىڭ تاراۋىن تالاپ ەتۋٸمەن اتا-انالار بٸرەر ساعاتتان سوڭ تارقادى. كەشە كٷندٸز دە جيىرما شاقتى ەيەل مەكتەپ الدىنا جينالىپ, قىزدارىنىڭ ورامالسىز كٸرۋٸنە نارازىلىق تانىتقان. ولاردىڭ سەگٸزٸنە كەشە كەشكە اۋدان ورتالىعى مىرزاكەنت كەنتٸندەگٸ پوليتسييا بٶلٸمٸنە جاۋاپ بەرۋگە شاقىرتۋ قاعازىن تاپسىرعان.
بٷگٸن سونىمەن قاتار ورامال تارتقانى ٷشٸن مەكتەپكە كٸرگٸزٸلمەگەن ٷش مۇعالٸم ٶزدەرٸن جۇمىستان بوساتۋ تۋرالى ارىز جازدى. بۇل تۋرالى مۇعالٸمدەردٸڭ ٶزدەرٸ (اتى-جٶنٸن ايتقىسى كەلمەدٸ) حابارلادى جەنە مۇنى فيردوۋسي اتىنداعى مەكتەپ ديرەكتورى جانار مامىروۆا دا راستادى. بٸراق ول مۇعالٸمدەر ارىزىنا قاتىستى ەزٸرگە شەشٸم قابىلداماعانىن ايتادى. مۇعالٸمدەر بۇعان دەيٸن ورامالمەن جۇمىسقا كەلٸپ جٷرگەندەرٸن, جۇمىستا ەشقانداي كەدەرگٸ بولماعانىن ايتادى.
مەكتەپ ديرەكتورىنىڭ ايتۋىنشا, مەكتەپتە بارلىعى 372 وقۋشى قىز بار. ولاردىڭ 203-ٸ جوعارى سىنىپتاردا, 169-ى باستاۋىش سىنىپتاردا وقيدى. قازٸرگە دەيٸن باستاۋىش سىنىپتاعى ورامال تارتاتىن قىزداردىڭ تٷگەلگە جۋىعى, جوعارى سىنىپتاعى 200-گە تارتا قىزدىڭ 80-گە جۋىعى ورامالىن شەشكەن.
بٸلٸم جەنە عىلىم مينيسترلٸگٸنٸڭ 2016 جىلى قاڭتاردا شىعارعان بٸرىڭعاي مەكتەپ فورماسى ەرەجەسٸ تۋرالى №26 بۇيرىعى بىلتىر كٷزدە اقتٶبە, باتىس قازاقستان, ماڭعىستاۋ جەنە وڭتٷستٸك قازاقستان وبلىستارىنداعى كەيبٸر مەكتەپ ەكٸمشٸلٸگٸ مەن اتا-انا اراسىنداعى "ورامال داۋىنا" سەبەپشٸ بولعان. اتالعان ايماقتاردا مەكتەپ ەكٸمشٸلٸگٸ ساباققا كٸرگٸزبەي قويعان ونداعان وقۋشىنىڭ اتا-اناسى سوتقا ارىز بەرگەن. تۇرعىندار شاعىمىن قاراعان سوتتار بٸلٸم جەنە عىلىم مينيسترلٸگٸ مەن مەكتەپتٸڭ ۇستانىمىن قولداعان.
