تٷركٸستان وبلىسىنىڭ ماقتارال اۋدانىندا فيردوۋسي اتىنداعى مەكتەپتە ورامالىن شەشۋدەن باس تارتقان جەتٸ وقۋشى قىزدىڭ اتا-اناسى مەكتەپتەن قىزدارىنىڭ قۇجاتتارىن الىپ كەتتٸ. بۇل تۋرالى مەكتەپ ديرەكتورى جانار مامىروۆا حابارلادى, دەپ جازادى ازاتتىق.
جانار مامىروۆانىڭ ايتۋىنشا, مەكتەپتەگٸ جوعارعى سىنىپتاردا وقيتىن 203 وقۋشى قىزدىڭ 10-ى ورامالىن شەشۋدەن باس تارتىپ وتىر. جاڭا وقۋ جىلى باستالعالى ورامالىن شەشۋگە كەلٸسپەگەن جەتٸ قىزدىڭ اتا-اناسى مەكتەپتەن قىزدارىنىڭ قۇجاتتارىن الىپ, باسقا وقۋ ورنىنا ورنالاستىرعان.
- ورامالىن شەشۋگە كەلٸسپەي ساباققا كەلمەگەن 10 وقۋشىنىڭ ەكەۋٸ اۋىرىپ جاتقانى بەلگٸلٸ بولدى. بٸرەۋٸ باسقا مەكتەپكە اۋىسۋىنا بايلانىستى قۇجاتتارىن رەسٸمدەپ وتىر. تٶرتەۋٸنٸڭ اتا-اناسىنا تٷركٸستان وبلىستىق بٸلٸم سالاسىنداعى باقىلاۋ دەپارتامەنتٸ ايىپپۇل سالعان. قالعان ٷش وقۋشى جەنە ولاردىڭ اتا-اناسىمەن جۇمىس جٷرگٸزٸلٸپ جاتىر, - دەيدٸ مەكتەپ ديرەكتورى.
تٷركٸستان وبلىستىق بٸلٸم باسقارماسى "فيردوۋسي مەكتەبٸندەگٸ جاعداي بٸرقالىپقا تٷسكەنٸن" جەنە ەلٸ دە تٷسٸندٸرۋ جۇمىستارى جٷرگٸزٸلٸپ جاتقانىن مەلٸمدەدٸ.
قىركٷيەكتٸڭ 6-سى كٷنٸ فيردوۋسي اۋىلىندا مەكتەپكە ورامالىن شەشٸپ بارۋدان باس تارتقان 13 وقۋشى قىزدىڭ اتا-اناسىنا بەس ايلىق ەسەپتٸك كٶرسەتكٸشكە (بٸر ايلىق ەسەپتٸك كٶرسەتكٸش - 2405 تەڭگە) تەڭ ايىپپۇل سالىنعان.
