تٷركٸستان وبلىسى ماقتارال اۋدانىنداعى فيردوۋسي اۋىلىندا بيلٸكتٸڭ تالابىمەن مەكتەپكە وقۋشى قىزداردى ورامالمەن كٸرگٸزبەگەن فيردوۋسي مەكتەبٸنٸڭ ديرەكتورى جانار مامىروۆاعا قوقان-لوققى جاسالدى.
جانار مامىروۆانىڭ ايتۋىنشا, جاڭا وقۋ جىلىنان باستاپ مينيستردٸڭ بۇيرىعىمەن وقۋشى قىزداردى ورامالمەن مەكتەپكە كٸرگٸزبەگەنٸ ٷشٸن ٶزٸنە كەيبٸر اۋىل تۇرعىندارى قوقان-لوققى كٶرسەتكەن. "مەنٸ وقۋشى قىزدارعا ورامالىن شەشكٸزگەنٸم ٷشٸن ايىپتايدى. ۇيالى تەلەفونىما بەلگٸسٸز نٶمٸرلەردەن ورامالدى شەشكٸزگەنٸڭ ٷشٸن اتىپ كەتەمٸز دەگەن xاتتار تٷسكەن سوڭ پوليتسيياعا ارىزداندىم" دەيدٸ ديرەكتور.
جانار مامىروۆانىڭ ماقتارال اۋداندىق ٸشكٸ ٸستەر بٶلٸمٸنە ارىز تٷسٸرگەنٸن وبلىستىق ٸشكٸ ٸستەر دەپارتامەنتٸنٸڭ باسپاسٶز xاتشىسى سالتانات قاراكٶزوۆا راستادى. ونىڭ سٶزٸنشە, ارىزعا سەيكەس قىلمىستىق كودەكستٸڭ "قورقىتۋ" بابى بويىنشا ٸس قوزعالعان. سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
فيردوۋسي اتىنداعى مەكتەپتە ورامالىن شەشۋدەن باس تارتقان وقۋشى قىزداردى قولداپ, مەكتەپ الدىندا نارازىلىق بٸلدٸرگەن سەگٸز اتا-انا بۇعان دەيٸن ەكٸمشٸلٸك جاۋاپقا تارتىلعان. ەرتٷرلٸ سەبەپپەن 15 وقۋشى باسقا مەكتەپتەرگە اۋىسقان.
قىركٷيەكتٸڭ 6-سى كٷنٸ فيردوۋسي اۋىلىندا مەكتەپكە ورامالىن شەشٸپ بارۋدا باس تارتقان 13 وقۋشى قىزدىڭ اتا-اناسىنا بەس ايلىق ەسەپتٸك كٶرسەتكٸشكە (بٸر ايلىق ەسەپتٸك كٶرسەتكٸش - 2405 تەڭگە) تەڭ ايىپپۇل سالىنعان.
فيردوۋسيدە ورامال داۋى بٸلٸم جەنە عىلىم مينيسترلٸگٸنٸڭ 2016 جىلى قاڭتاردا شىعارعان بٸرىڭعاي مەكتەپ فورماسى ەرەجەسٸ تۋرالى №26 بۇيرىعىنان كەيٸن تۋىنداي باستاعان. قۇجاتتا مەكتەپتە قانداي دا بٸر دٸندٸ ناسيحاتتايتىن كيٸم كييۋگە تىيىم سالىنعان. بيلٸك بۇيرىقتىڭ ورىندالۋىن تالاپ ەتسە, اتا-انالار دەستٷردٸ العا تارتىپ, قىزدارىنىڭ مەكتەپكە ورامالسىز بارۋىنا قارسى شىعادى.
مينيسترلٸك بۇيرىعى بىلتىر كٷزدە اقتٶبە, باتىس قازاقستان جەنە ماڭعىستاۋ وبلىستارىندا دا كەيبٸر مەكتەپ ەكٸمشٸلٸگٸ مەن اتا-انا اراسىنداعى "ورامال داۋىنا" سەبەپشٸ بولعان. اتالعان ايماقتاردا مەكتەپ ەكٸمشٸلٸگٸ ساباققا كٸرگٸزبەي قويعان ونداعان وقۋشىنىڭ اتا-اناسى سوتقا ارىز بەرگەن. تۇرعىندار شاعىمىن قاراعان سوتتار بٸلٸم جەنە عىلىم مينيسترلٸگٸ مەن مەكتەپتٸڭ ۇستانىمىن قولداعان.
