قازنەتتە تٶلقۇجاتىنىڭ فورزاتسىن مۇقابادان جىرتىپ تاستاعان ەر ادامنىڭ ۆيدەوسى تارالۋدا. ونىڭ اراسىندا شەتەلگە شىققان ەل ازاماتتارىن باقىلايتىن ميكروچيپ بار ەكەن. بۇل - جالعان اقپارات, دەپ حابارلايدى Stopfake.kz سايتى.
قر ٸٸم تٷسٸندٸرگەندەي, ەل ازاماتتارىنىڭ تٶلقۇجاتتارىنداعى چيپتەر باقىلاۋ ٷشٸن ەمەس, قۇجات يەسٸ تۋرالى اقپاراتتى ساقتاۋ ٷشٸن پايدالانىلادى.
بۇل «قازاقستان رەسپۋبليكاسىنىڭ ازاماتى پاسپورتىنىڭ, قازاقستان رەسپۋبليكاسىنىڭ ازاماتى جەكە كۋەلٸگٸنٸڭ, شەتەلدٸكتٸڭ قازاقستان رەسپۋبليكاسىندا تۇرۋىنا ىقتييارحاتتىڭ, ازاماتتىعى جوق ادامنىڭ كۋەلٸگٸنٸڭ, بوسقىن كۋەلٸگٸنٸڭ ٷلگٸلەرٸن جەنە ولاردى قورعاۋعا قويىلاتىن تالاپتاردى بەكٸتۋ تۋرالى» قازاقستان رەسپۋبليكاسى ٷكٸمەتٸنٸڭ 2013 جىلعى 4 شٸلدەدەگٸ № 684 قاۋلىسىندا كٶرسەتٸلگەن.
وسى قاۋلىنىڭ 2-بابىندا قر ازاماتىنىڭ پاسپورتىندا كەمٸندە سىيمدىلىعى 64 كب جادىمەن ميكروسحەما بار, وندا «قورعالعان تٷردە قازاقستان رەسپۋبليكاسىنىڭ ازاماتى جەكە كۋەلٸگٸنٸڭ يەسٸ تۋرالى گرافيكالىق جەنە مەتٸندٸك اقپارات ساقتالادى» دەپ جازىلعان.
ميكروسحەما GPS نەمەسە باسقا ناۆيگاتسييالىق تەحنولوگييالارمەن جابدىقتالماعان, سوندىقتان ول ارقىلى بٸرەۋدٸ باقىلاۋ مٷمكٸن ەمەس.
– قازاقستاندا ەلەكتروندىق پاسپورتتار, سونداي-اق ميكروسحەماسى (چيپٸ) بار جەكە كۋەلٸكتەر 2009 جىلدان باستاپ شىعارىلادى. ەلەكتروندىق قۇجاتتار ICAO حالىقارالىق ستاندارتىنىڭ (DOC 9303 ستاندارتى) بارلىق تالاپتارىنا سەيكەس كەلەدٸ. چيپ ازامات تۋرالى جەكە دەرەكتەردٸ ساقتاۋعا ارنالعان جەنە جەكە تۇلعانى اۆتوماتتى تٷردە انىقتاۋعا مٷمكٸندٸك بەرەدٸ.
تٶلقۇجاتتاردا ەلەكتروندىق چيپ قازاقستان رەسپۋبليكاسىنىڭ ازاماتى پاسپورتىنىڭ مۇقاباسى مەن تٶسەمٸنٸڭ اراسىندا ورنالاسادى جەنە پاسپورتتىڭ يەسٸ تۋرالى اقپاراتتىڭ ەلەكتروندىق تاسىمالداۋشىسى بولىپ تابىلادى, وندا قورعالعان تسيفرلىق فورماتتا ازاماتتىڭ دەربەس دەرەكتەرٸ (تەگٸ, اتى, ەكەسٸنٸڭ اتى, كٷنٸ, تۋعان جەرٸ, جىلى), جسن, فوتوبەينەسٸ جەنە ەلەكتروندىق تسيفرلىق قولتاڭبا جازىلادى, – دەپ تٷسٸندٸردٸ ۆەدومستۆو ٶكٸلدەرٸ.
سونداي-اق, تٶلقۇجاتتارداعى ميكروسحەمالار شەكارا ٶتكٸزۋ پۋنكتتەرٸنەن ٶتۋدٸ جەڭٸلدەتۋ جەنە باسقا ەلدەردٸڭ پاسپورتتىق-ۆيزالىق باقىلاۋى جەنە قۇجاتتاردى قولدان جاساۋ مٷمكٸندٸگٸن بولدىرماۋ ٷشٸن قاجەت.
مۇنداي ميكروسحەمالار اقش, كانادا, ەۋرووداق, قىتاي, جاپونييا, مالايزييا, سينگاپۋر, اۆسترالييا, بالتىق ەلدەرٸ جەنە تمد قۇرامىنداعى باسقا ەلدەردە دە قولدانىلادى.
دەمەك, قازاقستان پاسپورتتارىندا باقىلاۋ قۇرىلعىلارى بار دەگەن اقپارات – ٶتٸرٸك.
