قر پرەمەر-مينيسترٸنٸڭ بٸرٸنشٸ ورىنباسارى رومان سكليار رavlodarnews.kz اقپارات پورتالىنا سۇحبات بەرٸپ, ەكٸباستۇزداعى اپاتتىڭ مەن-جايىن ايتىپ بەردٸ, دەپ حابارلايدى قازاقپارات اگەنتتٸگٸ.
«ەرينە, بۇل اپاتتىڭ اۋقىمى از دەۋگە بولمايدى. ٷش شاعىن اۋدان زارداپ شەكتٸ. بٸراق تۇتاستاي العاندا, قالادا تٶمەن بولسا دا, جىلۋ رەجيمٸ ساقتالدى. ستانتسييا جۇمىس ٸستەپ تۇر.
ەنەرگەتيكالىق قاداعالاۋ كوميتەتٸ اپاتتىڭ الدىن الا سەبەبٸن جارييالادى. ول ستاندارتتان تىس: ستانتسييا بٸر رەتتەن جەلٸگە جوعارى قىسىم بەرٸپ وتىرعان. جەلٸدەگٸ قىسىمدى شامامەن 40 پايىزعا كٶتەرگەن. ياعني, بۇل جەردە تەحنيكالىق تۇرعىدان قاتە شەشٸم قابىلدانعان. بۇل ماگيسترالدارداعى ٷلكەن 3 اپاتقا ەكەلدٸ, قۇبىرلار 70 جەردەن جارىلدى. سالدارىنان پايدا بولعان گەيزەرلەردٸ بەرٸمٸز كٶردٸك, سونىڭ ٸشٸندە ەلەۋمەتتٸك جەلٸلەردەن دە. وسىعان بايلانىستى بارلىق قالا جىلۋسىز قالعانداي كارتينا قالىپتاستى.
قايتالاپ ايتامىن, بۇل – اسا ٸرٸ اپات. ەسٸرەسە, 70 ٷيدەگٸ جىلۋ مەسەلەسٸ ٶتە كٷردەلٸ بولدى. بۇل دەگەنٸمٸز - 5 100 پەتەر, وندا 13 مىڭعا جۋىق ادام تۇرادى», - دەدٸ رومان سكليار.
سونىمەن قاتار ول اپاتتىڭ سالدارىن جويۋ بويىنشا قۇرىلعان جەدەل شتاب كٷنٸنە ەكٸ رەت باسپاسٶز مەلٸمەتٸن تاراتىپ كەلگەنٸن اتاپ ٶتتٸ. دەگەنمەن رومان سكلياردىڭ سٶزٸنشە, ەلەۋمەتتٸك جەلٸلەردەگٸ جالعان اقپاراتقا ەرگەندەر دە بولعان.
«شتابتان كٷنٸنە ەكٸ رەت باسپاسٶز حابارلاماسىن تاراتا وتىرىپ, بٸز ناقتى اقپارات ۇسىندىق. مٷمكٸن, كٶپشٸلٸك سانالى نەمەسە بەيسانالى تٷردە تٷرلٸ فەيكتەرگە ەرگەن شىعار. بٸراق مەن تۇرعىنداردى كٸنەلامايمىن. دەسەك تە كٶپتەگەن بۇقارالىق اقپارات قۇرالدارى جەدەل شتاب حالىقتى الداپ جاتىر دەپ جازدى. سەنسەڭٸز, بٸزگە مۇنىڭ قاجەتٸ جوق: ەگەر پەتەرلەرگە جىلۋ بەرٸلمەسە, بٸز سولاي جازدىق», - دەدٸ ۆيتسە-پرەمەر.
ەسكە سالايىق, 27 قاراشادا ەكٸباستۇز جىلۋ ەلەكتر ورتالىعىندا اپات بولىپ, قالا تۇرعىندارى جىلۋسىز قالدى. قالادا وقۋشىلار ونلاين وقۋعا كٶشٸرٸلدٸ.
28 قاراشا كٷنٸ تاڭەرتەڭ قالادا جەرگٸلٸكتٸ اۋقىمداعى تٶتەنشە جاعداي جارييالاندى.
30 قاراشادا ەكٸباستۇزعا پرەمەر-مينيستر ەليحان سمايىلوۆ بارىپ, كٸنەلٸلەر جاۋاپقا تارتىلاتىنىن ايتتى.
اپات سەبەبٸ رەتٸندە جىلۋ جەلٸلەرٸنٸڭ توزۋى, جىلۋ ورتالىعى باسشىلىعىنىڭ نەمقۇرايلىلىعى مەن ينۆەستيتسييالاردىڭ جەتكٸلٸكسٸزدٸگٸ اتالدى.
مەملەكەت باسشىسىنىڭ تاپسىرماسى بويىنشا پرەمەر-مينيستردٸڭ بٸرٸنشٸ ورىنباسارى رومان سكليار قالالىق جىلۋ جەلٸلەرٸندەگٸ اپاتتىڭ سالدارىن جويۋ جٶنٸندەگٸ جۇمىستار اياقتالعانشا ەكٸباستۇزدا بولاتىنى حابارلاندى.
7 جەلتوقساندا پرەزيدەنت قاسىم-جومارت توقاەۆ ەكٸباستۇزداعى جٶندەۋ جۇمىستارىنىڭ بارىسى تۋرالى پرەمەر-مينيستردٸڭ بايانداماسىن تىڭدادى.
8 جەلتوقساندا پرەزيدەنتتٸڭ قابىلداۋىندا بولعان پاۆلودار وبلىسىنىڭ ەكٸمٸ اسايىن بايحانوۆ جىلۋ جٷيەلەرٸن قالپىنا كەلتٸرۋ جۇمىستارى 15 جەلتوقسانعا دەيٸن اياقتالاتىنىن ايتتى. وسى كٷنٸ ەكٸباستۇز قالاسىنان تٶتەنشە جاعداي رەجيمٸ الىندى.
