فەرمەرلەر ەگٸس القاپتارىن ىلعالدىڭ جەتٸسپەۋشٸلٸگٸنەن بيىل 15 سەۋٸرگە دەيٸن ونلاين رەجيمدە ساقتاندىرا الادى. بۇل تۋرالى اۋىل شارۋاشىلىعى مينيسترلٸگٸنەن مەلٸم بولدى, دەپ حابارلايدى "ۇلت اقپارات".
«ساراپشىلار بيىل ەلٸمٸزدٸڭ كٶپتەگەن ٶڭٸرلەرٸندە قۇرعاقشىلىق بولۋى مٷمكٸن ەكەنٸن ايتىپ وتىر. كٶكتەمنٸڭ سوڭى مەن جاز ايىنىڭ باسىنداعى توپىراق ىلعالىنىڭ جەتٸسپەۋشٸلٸگٸ ەككەن ەگٸننٸڭ تەز كٶتەرٸلۋٸنە كەدەرگٸ بولادى. سوندىقتان, قۇرعاقشىلىقتان ساقتاندىرۋ – ٶسٸمدٸك شارۋاشىلىعىمەن اينالىساتىنداردى قولداۋدىڭ ماڭىزدى شارالارىنىڭ بٸرٸ. 2020 جىلدىڭ باسىنان بەرٸ ٶسٸمدٸك شارۋاشىلىعىنداعى ساقتاندىرۋ ەرٸكتٸ تٷردە جٷرگٸزٸلٸپ كەلەدٸ. ەندٸ فەرمەرلەر ٶز تەۋەكەلدەرٸن قانشالىقتى تٶمەندەتۋ كەرەكتٸگٸن ٶزدەرٸ شەشەدٸ. ٶز بيزنەسٸن ساقتاندىرعان ەگٸن شارۋاشىلىعىمەن اينالىساتىندارعا مەملەكەت قولداۋ كٶرسەتەدٸ. اتاپ ايتقاندا, ساقتاندىرۋ پوليسٸ قۇنىنىڭ 50 پايىزى سۋبسيدييا رەتٸندە تٶلەنەدٸ», - دەلٸنگەن حابارلامادا.
ەڭ باستىسى – «Agroinsurance» سەرۆيستٸك جٷيەسٸ ورنالاسقان www.qoldau.kz پلاتفورماسىنا ەلەكتروندى تسيفرلىق قولتاڭبانىڭ (ەتسق) كٶمەگٸمەن تٸركەلۋ كەرەك. وسىلايشا, فەرمەرلەر ەككەن ەگٸنٸن ساقتاندىرۋ ٷشٸن القاپتاردى, كومپانييانى, ساقتاندىرۋ سوماسىن تاڭداۋعا, سونداي-اق كٷن سايىن پلاتفورماداعى جەكە كابينەتٸ ارقىلى توپىراقتاعى ىلعال دەڭگەيٸن قاداعالاۋعا مٷمكٸندٸك الادى.
ساقتاندىرۋ جاعدايىن انىقتاۋدا ادامي فاكتور الىنىپ تاستالعانى دا ٷلكەن ماڭىزعا يە. ساقتاندىرۋ جاعدايى تۋىنداعان فاكتٸنٸ سپۋتنيكتٸك دەرەكتەرگە سٷيەنە وتىرىپ, اقپاراتتىق جٷيە ايقىندايدى. بۇل – ساقتاندىرۋ تٶلەمدەرٸ مەحانيزمٸنٸڭ وبەكتيۆتٸلٸگٸ مەن اشىقتىعىن قامتاماسىز ەتەدٸ.
ىلعال تاپشىلىعىنان ساقتاندىرۋ بٸرنەشە كەزەڭگە بٶلٸنەدٸ. بٸرٸنشٸ كەزەڭ - 15 مامىردان 14 ماۋسىمعا دەيٸن, ەكٸنشٸ كەزەڭ - 15 ماۋسىمنان 14 شٸلدەگە دەيٸن جەنە ٷشٸنشٸ كەزەڭ - 15 شٸلدەدەن 14 تامىزعا دەيٸنگٸ ارالىقتى قامتيدى.
وسىعان بايلانىستى, فەرمەرلەر القاپتاردى قانداي كەزەڭدەر بويىنشا ساقتاندىراتىنىن ٶزدەرٸ تاڭدايدى. مونيتورينگ جٷيەسٸندە ەر كەزەڭ بويىنشا ساقتاندىرۋ جاعدايى ٸسكە قوسىلاتىن ٶز تريگگەرلەرٸ قويىلعان. قۇرعاقشىلىقتان ساقتاندىرۋ تاريفٸ ساقتاندىرۋ سوماسىنىڭ 3,2 - 4,8%-ىن قۇرايدى. ال ىلعالدىڭ ارتىق بولۋىنان ساقتاندىرعاندا 3,2%-ى شەگٸندە بەلگٸلەنگەن.
ساقتاندىرۋ سوماسىن ەسەپتەگەندە فەرمەر ەگٸس القابىنىڭ بٸر گەكتارىنا ساقتاندىرۋ سوماسىن ٶزٸ انىقتايدى. ول – 40 مىڭنان 80 مىڭ تەڭگەگە دەيٸن. سودان كەيٸن ساقتاندىرۋ كومپانيياسىن تاڭدايدى جەنە ساقتاندىرۋ قۇنىنىڭ 50%-ىن تٶلەيدٸ. قالعان سومانى اۋىل شارۋاشىلىعىن قارجىلاي قولداۋ قورى تٶلەيدٸ.
ساقتاندىرۋ شارتىنا سەيكەس, ساقتاندىرۋ جاعدايى تۋىنداعان سەتتەن باستاپ 15 جۇمىس كٷنٸ ٸشٸندە تٶلەم جاسالادى.
