21 قىركٷيەكتە رەسەيدە موبيليزاتسييا جارييالاعاننان كەيٸن پرەزيدەنت ۆلاديمير پۋتين دەمالىسقا كەتكەن. بۇل جٶنٸندە ٷش دەرەككٶزگە سٷيەنگەن جۋرناليست فاريدا رۋستاموۆا جٷرگٸزەتٸن Faridaily تەلەگرام-ارناسى حابارلادى, دەپ جازادى ازاتتىق.
پۋتين سوڭعى رەت جۇرت الدىندا 21 قىركٷيەكتە ۆەليكيي نوۆگورودتا سٶيلەگەن كەزدە كٶرٸنگەن. رۋستاموۆانىڭ دەرەككٶزٸنٸڭ حابارلاۋىنشا, كونتسەرتتەن سوڭ پۋتيندە دەمالىس باستالعان. ول كەمٸندە بٸر اپتاعا سوزىلادى. بٸراق تەلەارنالار بۇرىنعىشا پۋتيننٸڭ قاتىسۋىمەن ٶتكەن سيۋجەتتەردٸ كٶرسەتٸپ جاتىر. رۋستاموۆانىڭ حابارلاۋىنشا, بۇل باعدارلامالار الدىن الا تٷسٸرٸلگەن.
بٸر دەرەككٶزدٸڭ ايتۋىنشا, پۋتين قازٸر نوۆگورود وبلىسىندا ۆالداي رەزيدەنتسيياسىندا دەمالىپ جاتىر. بۇل ساراي جٶنٸندە وسىعان دەيٸن الەكسەي ناۆالنىيدىڭ جەمقورلىقپەن كٷرەس قورى جازعان.
كٶپتەگەن كوممەنتاتورلار پۋتيننٸڭ جۇما كٷنٸ مەسكەۋدەگٸ رەفەرەندۋمدى (ۋكراينانىڭ كەيبٸر اۋماعىن رەسەيگە قوسۋ تۋرالى رەفەرەندۋم, ۋكراينا مەن باتىس ەلدەرٸ ونى زاڭسىز دەپ اتاعان) قولداۋ كونتسەرتٸنە كەلمەگەنٸنە نازار اۋدارادى. كرەملدٸڭ باسپاسٶز حاتشىسى دميتريي پەسكوۆ پۋتيننٸڭ قولى تيمەي جاتقانىن حابارلادى. ول سونىمەن بٸرگە پۋتيننٸڭ دەمالىستا ەكەنٸن جوققا شىعاردى.
2022 جىلى ناۋرىزدا رۋستاموۆا كرەملدەگٸ دەرەككٶزدەرٸنە سٷيەنە وتىرىپ, رەسەيدٸڭ ۋكرايناعا باسىپ كٸرۋٸنەن پۋتيننٸڭ اينالاسىنداعى ادامدار شوشىعانىن, بٸرنەشە اپتادان سوڭ كٶندٸگٸپ, پۋتيننٸڭ اينالاسىنا قايتا توپتاسقانىن جازدى.
جۋرناليستٸڭ ايتۋىنشا, پۋتين ەندٸ جۇرت الدىنا 29 قىركٷيەكتە شىعۋى مٷمكٸن. ول كەزدە ونىڭ ايماقتارعا ساپارى جوسپارلانعان. ول ۋاقىتقا دەيٸن "رەفەرەندۋم" اياقتالماق.
سەنبٸ كٷنٸ "ريا نوۆوستي" اگەنتتٸگٸ دەرەككٶزگە سٷيەنە وتىرىپ, 30 قىركٷيەكتە پرەزيدەنت فەدەرالدىق جيىنعا جولداۋ جاسايتىنىن حابارلاعان. كونستيتۋتسييا بويىنشا پرەزيدەنت مۇنداي جولداۋدى جىلىنا بٸر رەت جاساي الادى, بيىل ونداي جولداۋ بولعان جوق. بولجام بويىنشا, پۋتين رەفەرەندۋم نەتيجەسٸن حابارلاۋى مٷمكٸن. بۇعان دەيٸن ول ۋكراينانىڭ تٶرت وبلىسىن رەسەيگە قوسۋدى قولداۋعا ەزٸر ەكەنٸن مەڭزەگەن.
"ۆەرستكا" باسىلىمى دا دەرەككٶزگە سٷيەنٸپ, دەل وسى مەرزٸمدٸ ايتادى. باسىلىم سول كٷنٸ ۋكراينانىڭ بٸرقاتار اۋماعىن رەسەيگە قوسۋ تۋرالى كەلٸسٸمگە قول قويىلاتىنىن جوققا شىعارمايدى.
جولداۋدىڭ مەرزٸمٸ رەسمي تٷردە ايتىلعان جوق.
