"بٸرٸنشٸ ارناداعى" "نە? قايدا? قاشان?" باعدارلاماسىن تٷسٸرۋ كەزٸندە تەلەوپەراتورلاردىڭ بٸرٸ تانىمال قازاقستاندىق ەنشٸ ديماش قۇدايبەرگەنگە تٸل تيگٸزگەنٸ ۆيدەوعا تٷسٸپ قالعان, دەپ جازادى Sputnik.
ديماش تانىمال ويىننىڭ قاتىسۋشىلارىنا ارناپ ٶزٸنٸڭ Mademoiselle Hyde ەنٸن ورىندايدى, ونى كومپوزيتور ەرٸ پروديۋسەر يگور كرۋتوي رويالمەن سٷيەمەلدەيدٸ. وسى كەزدە رەجيسسەر سانيا دەپ اتاعان وپەراتورلاردىڭ بٸرٸ راتسييامەن "مىنا تەكە (كوزەل) وعان كٶلەڭكەسٸن تٷسٸرٸپ تۇر" دەيدٸ (جازبانىڭ 35-شٸ سەكۋندى).
جۇمىس پروتسەسٸندەگٸ وسى دٶكٸر سٶزدٸ ەستٸگەن ەنشٸنٸڭ جانكٷيەرلەرٸ بۇل سٶز يگور كرۋتويعا كٶلەڭكەسٸن تٷسٸرگەن ديماشقا قاراتا ايتىلدى دەپ شۋلاپ جاتىر.
"كٶڭٸلٸم جايلانار ەمەس. ول باعدارلامانى قايتالاپ كٶردٸم. يە, ديماشتىڭ كٶلەڭكەسٸ يگورگە تٷسٸپ تۇر. ارناعا حات جٸبەرۋ كەرەك. وپەراتور بۇل سٶزٸ ٷشٸن جاۋاپ بەرسٸن", - دەپ جازدى Gulnar B2 دەگەن قولدانۋشى.
"ەرينە, بەرٸ جاقسى ٶتتٸ. بٸراق ديماشتى تەكە دەۋگە بولا ما? قىزمەتكەرلەرٸڭٸزدٸ تەريبيەلەڭٸزدەر. سٸزدەر ميلليونداعان ادامنىڭ كۋميرٸن تٷسٸرٸپ جاتىرسىزدار", - دەيدٸ سانكت-پەتەربۋرگ تۇرعىنى.
"تەكە دەگەندەرٸڭٸز ٷشٸن جاۋاپ بەرۋلەرٸڭٸز كەرەك!!! بٸزدٸڭ كۋميرگە تٸل تيگٸزۋ - شەكتەن شىققاندىق!!!" – دەپ اشۋلاندى جەلٸ قولدانۋشىسى راۋشان ناحانوۆا.
