Facebook سەرۆيستەرٸنٸڭ ٸستەن شىعۋىنا تەحنيكالىق اقاۋ سەبەپ بولدى, دەپ حابارلادى كومپانييا. ينجەنەرلەردٸڭ ايتۋىنشا, Facebook داتا-ورتالىقتارى اراسىنداعى جەلٸ ترافيگٸن ٷيلەستٸرۋگە جاۋاپ بەرەتٸن ماگيسترالدى مارشرۋتتاردى ٶزگەرتۋ كەزٸندە اقاۋ شىققان.
"جەلٸ ترافيگٸنٸڭ ٸستەن شىعۋى مەلٸمەتتەردٸ ٶڭدەۋ ورتالىقتارىمەن بايلانىس جولدارىنا ەسەر ەتٸپ, سونىڭ سالدارىنان بٸزدٸڭ قىزمەتتٸڭ جۇمىسى توقتادى", - دەلٸنگەن مەلٸمدەمەدە.
Facebook ٶكٸلدەرٸ قولدانۋشىلاردان كەشٸرٸم سۇرادى.
بٷكٸل ەلەمدٸ قامتىعان اقاۋ كەزٸندە اقش بيرجالارىنداعى باستى يندەكستەر قۇلدىرادى. اتاپ ايتقاندا, NASDAQ 2 پايىزعا تٷسكەن. Facebook كورپوراتسييالارىنىڭ اكتسييالارى 5 پايىز ارزانداعان.
Bloomberg مەلٸمەتٸنشە, مارك تسۋكەربەرگ اكتسييالاردىڭ قۇلدىراۋىنان 6 ميلليارد دوللار تازا كاپيتالىن جوعالتقان.
Facebook, Instagram, سونىمەن بٸرگە Facebook Messenger جەنە WhatsApp مەسسەندجەرلەرٸ 4 قازاندا كەشكە ٸستەمەي قالدى. ەلەۋمەتتٸك جەلٸلەر سەيسەنبٸگە قاراعان تٷنٸ قايتادان ٸسكە قوسىلا باستادى.
Facebook كومپانيياسىنىڭ Workplace سەكٸلدٸ جۇمىس پلاتفورمالارى دا ٸستەمەي قالعان. سونىڭ سالدارىنان قىزمەتكەرلەردٸڭ بٸرقاتارى كەڭسەگە كٸرە الماعان, ٶيتكەنٸ ولاردىڭ ەلەكتروندى ٶتكٸزۋ قۇجاتتارى دا ٸستەن شىققان.
