Facebook servisteriniń isten shyǵýyna tehnikalyq aqaý sebep boldy, dep habarlady kompaniia. Injenerlerdiń aitýynsha, Facebook data-ortalyqtary arasyndaǵy jeli trafigin úilestirýge jaýap beretin magistraldy marshrýttardy ózgertý kezinde aqaý shyqqan.
"Jeli trafiginiń isten shyǵýy málimetterdi óńdeý ortalyqtarymen bailanys joldaryna áser etip, sonyń saldarynan bizdiń qyzmettiń jumysy toqtady", - delingen málimdemede.
Facebook ókilderi qoldanýshylardan keshirim surady.
Búkil álemdi qamtyǵan aqaý kezinde AQSh birjalaryndaǵy basty indekster quldyrady. Atap aitqanda, NASDAQ 2 paiyzǵa túsken. Facebook korporatsiialarynyń aktsiialary 5 paiyz arzandaǵan.
Bloomberg málimetinshe, Mark Tsýkerberg aktsiialardyń quldyraýynan 6 milliard dollar taza kapitalyn joǵaltqan.
Facebook, Instagram, sonymen birge Facebook Messenger jáne WhatsApp messendjerleri 4 qazanda keshke istemei qaldy. Áleýmettik jeliler seisenbige qaraǵan túni qaitadan iske qosyla bastady.
Facebook kompaniiasynyń Workplace sekildi jumys platformalary da istemei qalǵan. Sonyń saldarynan qyzmetkerlerdiń birqatary keńsege kire almaǵan, óitkeni olardyń elektrondy ótkizý qujattary da isten shyqqan.
