اۋسترالييا, گەرمانييا, پولشا جەنە اقش گەنەتيكتەرٸ ەجەلگٸ مىسىردىڭ تۇرعىندارىنىڭ شىققان تەگٸنە زەرتتەۋ جاسادى. عالىمداردىڭ بۇل زەرتتەۋٸ Nature Communications جۋرنالىندا جارييالاندى, - دەپ حابارلايدى Lenta.ru.
زەرتتەۋ قورىتىندىسىنا سەيكەس, ەجەلگٸ مىسىرلىقتار تاياۋ شىعىستان كەلگەن بولىپ شىقتى, ناقتى ايتقاندا, ولاردىڭ ەجەلگٸ لەۆانت پەن انتولييا حالقىمەن گەنەتيكالىق بايلانىسى بار ەكەنٸ انىقتالدى. ال ەلدٸڭ قازٸرگٸ تۇرعىندارىنىڭ اتا-تەگٸ ساحارانىڭ وڭتٷستٸگٸنەن كەلگەن ەكەن.
ەجەلگٸ ادامداردىڭ سٷيەكتەرٸنەن الىنعان جٷزگە جۋىق ميتوحوندرييالىق دنق-عا ساراپتاما جاساعان عالىمدار وسىنداي شەشٸمگە كەلٸپ وتىر. زەرتتەۋ جاسالعان سٷيەكتەر ەجەلگٸ مىسىردىڭ ورتالىق بٶلٸگٸندە 2,4 - 3,4 مىڭ جىل بۇرىن ٶمٸر سٷرگەن ادامدارعا تيەسٸلٸ ەكەن.
ماماندار ەجەلگٸ مىسىر تۇرعىندارىنىڭ شىققان تەگٸن العاش رەت انىق زەرتتەۋگە مٷمكٸن بولعانىن ايتادى. مۇندايعا سەكۆەنتسييالاۋدىڭ ەڭ جاڭا تەحنولوگيياسىن قولدانۋ ارقىلى قول جەتكٸزۋ مٷمكٸن بولعان.
