پاريجدٸڭ باستى كٶركەم ورىندارىنىڭ بٸرٸ – ەيفەل مۇناراسى ليۆان استاناسى بەيرۋتتاعى جويقىن جارىلىس قۇرباندارىن ەسكە الۋ ٷشٸن تٷن ورتاسىندا جارىعىن سٶندٸردٸ, دەپ حابارلايدى News18.com.
بەيسەنبٸ كٷنٸ تٷندە ەيفەل مۇناراسى بەيرۋتتاعى جويقىن جارىلىستىڭ 135 قۇربانىن ەسكە الۋ ٷشٸن بٸر ساعات جارىقسىز تۇردى. مۇنارانىڭ رەسمي سايتىندا مىناداي حابارلاما جارييالاندى: «بەيرۋت تۇرعىندارى مەن ليۆان ازاماتتارىنا تٸلەكتەستٸكپەن تٷن ورتاسىندا جارىعىمدى سٶندٸرەمٸن».
Reuters مەلٸمەتٸنشە, جارىلىس سالدارىنان جٷزدەن استاپ ادام قازا تاپقان. سولاردىڭ اراسىندا فرانتسۋز سەۋلەتشٸسٸ جان-مارك بونفيس تە بولعان. ال, جاراقات العان 4 مىڭ ادامنىڭ ٸشٸندە فرانتسييانىڭ 24 ازاماتى بار. فرانتسييا جارىلىس كەزٸندە زارداپ شەككەندەرگە بٸرنەشە جٷز مىڭ ەۋرو بٶلٸپ, بٸرنەشە ۇشاقپەن گۋمانيتارلىق كٶمەك جٸبەرەدٸ. بۇدان بٶلەك, فرانتسييا پرەزيدەنتٸ ەممانيۋەل ماكرون بەيرۋتقا بارادى دەپ جوسپارلانىپ وتىر.
ەيفەل مۇناراسىنان بٶلەك, دۋبايداعى بۋرج-حاليفا كٶپ قاباتتى ٷيٸ دە ليۆان تۋىنىڭ تٷسٸنە بٶلەنٸپ, قۇربانداردى ەسكە الدى. سونداي-اق, ليۆان جالاۋى مىسىرداعى گيزا پيراميدالارىندا دا پايدا بولدى.
ەسكە سالا كەتەيٸك, 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋماعىندا جويقىن جارىلىس بولدى. جارىلىس سالدارىنان قازاقستاننىڭ سٸم ليۆانداعى قازاقستاننىڭ ديپلوماتييالىق ميسسيياسى عيماراتىنا زاقىم كەلگەن. جارىلىس كەزٸندە ديپلوماتييالىق ميسسييانىڭ قىزمەتكەرلەرٸ جۇمىس كٷنٸ اياقتالعاننان كەيٸن كەڭسەدەن كەتٸپ قالعان. كونسۋل جۇمىستا بولعاندىقتان جارىلىس تولقىنى كەزٸندە جەڭٸل جاراقات الدى. قر پرەزيدەنتٸ قاسىم-جومارت توقاەۆ ليۆان پرەزيدەنتٸ ميشەل اۋنمەن تەلەفون ارقىلى سٶيلەسۋٸ بارىسىندا ليۆانداعى قازاقستاندىقتاردىڭ قاۋٸپسٸزدٸگٸن قامتاماسىز ەتۋ جٶنٸندە ٶتٸنٸش بٸلدٸرگەن ەدٸ.
5 تامىز كٷنٸ جارىلىستىڭ نەدەن شىققانى انىقتالدى. بيلٸك مەلٸمدەمەسٸنە سەيكەس, اممونيي نيتراتىنىڭ ٷلكەن پارتيياسى (اممياك سەليتراسى دەپ تە اتالايدى) پورتتا ۇزاق ۋاقىت ساقتالىپ, قاۋٸپسٸزدٸك تالاپتارى ساقتالماعان.
سوڭعى مەلٸمەت بويىنشا بەيرۋتتاعى جارىلىستان 137 ادام قازا تاپقان.
