ەۆەرەست شىڭىندا شامامەن 30 جىل بويى جاتقان «جاسىل ەتٸك» (Green Boots) دەگەن اتپەن بەلگٸلٸ الپينيستٸڭ كٸم ەكەنٸ رەسمي تٷردە انىقتالدى. دنق ساراپتاماسىنىڭ نەتيجەسٸ بويىنشا ونىڭ 1996 جىلى ەۆەرەستكە كٶتەرٸلۋ كەزٸندە قازا تاپقان ٷندٸستاندىق الپينيست دوردجە مورۋپ ەكەنٸ راستالدى, دەپ حابارلايدى ult.kz موي گورود-قا سٸلتەمە جاساپ.
ٷندٸ-تيبەت شەكارا پوليتسيياسىنىڭ مەلٸمەتٸنشە, دوردجە مورۋپ قايعىلى وقيعا كەزٸندە 47 جاستا بولعان. بيىل جازدا ونىڭ مەيٸتٸن ەۆەرەستتٸڭ 8 مىڭ مەتردەن جوعارى ورنالاسقان «ٶلٸم ايماعىنان» ەۆاكۋاتسييالاۋ جوسپارلانىپ وتىر. قازٸر بۇل كٷردەلٸ وپەراتسييانى ورىنداي الاتىن مامانداندىرىلعان كومپانييا ٸزدەستٸرٸلۋدە.
دوردجە مورۋپ 1996 جىلدىڭ 10 مامىرىندا ەۆەرەستتٸڭ سولتٷستٸك باعىتىمەن كٶتەرٸلگەن التى ادامدىق توپتىڭ قۇرامىندا بولعان. شىڭعا جاقىنداعاندا الپينيستەر قاتتى بورانعا تاپ بولىپ, ولاردىڭ ٷشەۋٸ كەرٸ قايتقان. ال مورۋپ ەكٸ سەرٸگٸمەن بٸرگە جولىن جالعاستىرىپ, ٷشەۋٸ دە كٶز جۇمعان.
قاۋٸپتٸ اۋا رايى مەن بيٸك تاۋداعى قۇتقارۋ جۇمىستارىنىڭ كٷردەلٸلٸگٸنە بايلانىستى ونىڭ دەنەسٸن تٶمەنگە تٷسٸرۋ مٷمكٸن بولماعان. وسى ۋاقىت ٸشٸندە قار مەن مۇز مەيٸتتٸ جاقسى ساقتاپ, «جاسىل ەتٸك» ەۆەرەستتٸڭ سولتٷستٸك-شىعىس جوتاسىمەن كٶتەرٸلەتٸن الپينيستەر ٷشٸن بەيرەسمي باعدارعا اينالدى.
كٶپ جىل بويى الپينيستٸڭ كٸم ەكەنٸ جٶنٸندە تٷرلٸ بولجام ايتىلىپ, ونىڭ دەنەسٸ باسقا ٷندٸستاندىق الپينيست تسەۆانگ پالدجورعا تيەسٸلٸ دەگەن پٸكٸر كەڭ تاراعان ەدٸ. الايدا دنق ساراپتاماسى بۇل داۋعا نٷكتە قويىپ, مەيٸتتٸڭ دوردجە مورۋپقا تيەسٸلٸ ەكەنٸن دەلەلدەدٸ.
