فوتو: Tengrinews.kz/©اليحان ساريەۆ
ۋكراينادان العاشقى ەۆاكۋاتسييالىق رەيسپەن ورالعان قازاقستاندىقتار ەلگە قالاي جەتكەندەرٸن ايتىپ بەردٸ, - دەپ حابارلايدى Tengrinews.kz تٸلشٸسٸ.
قازاقستاننىڭ 175 ازاماتى وتىرعان ۇشاق 28 اقپاندا ساعات 22:30-دا الماتى ەۋەجايىنا قوندى. العاشىندا ول 26 اقپانعا قاراعان تٷنٸ كەلەدٸ دەپ جوسپارلانعان ەدٸ. ەۋەجايدا قازاقستاندىقتاردى تۋىستارى قارسى الدى. كٶبٸ گٷل شوقتارى, شارلارمەن كەلدٸ, كەيبٸرەۋٸ ەموتسيياسىن ۇستاي الماي, جىلاپ قاۋىشتى.
كٷتكەندەردٸڭ اراسىندا "ەير استانا" ەۋەكومپانيياسىنىڭ ۆيتسە-پرەزيدەنتٸنٸڭ جۇبايى نينا نەبوگا دا بولدى. ونىڭ كٷيەۋٸ الەكساندر كومپانييانىڭ باسشىسى پيتەر فوستەرمەن بٸرگە 23 اقپاندا قارۋلى قاقتىعىس قارساڭىندا ۋكرايناعا ۇشىپ كەتكەن.
"كٷيەۋٸمنٸڭ ول جاققا بارا جاتقانىن بٸلدٸم. بۇل ساپار ۇزاق تالقىلاندى جەنە كٷنٸ دە تاڭدالدى. بەرٸمٸز الاڭدادىق. ولار قازاقستاندىقتار ٷشٸن رەيس قاجەت بولعان جاعدايدا ۇيىمداستىرۋ ٷشٸن پيتەرمەن بٸرگە ۇشىپ كەتتٸ. مۇنداي قاجەتتٸلٸك ولار كەلگەننەن كەيٸن كٶپ ۇزاماي پايدى بولدى. ولار قوناقٷيگە ورنالاسقاننان كەيٸن 4 ساعاتتان سوڭ ەلشٸلٸككە بارعان, سەبەبٸ ەلدە سوعىس قيمىلدارى باستالىپ كەتكەن. رەپاترياتسييا رەيستەرٸن ۇيىمداستىرۋ بويىنشا بارلىق جۇمىس ەلشٸلٸك نۇسقاۋى بويىنشا ٸستەلگەن, ونىڭ ٸشٸندە ەۋە دەلٸزٸن اشۋ بويىنشا كەلٸسسٶزدەر, پولشامەن كەلٸسسٶزدەر بار. ەرينە, كٶپ جاعدايدا ديپلوماتييالىق جۇمىس جٷرگٸزٸلگەن, ال "ەير استانا" تاراپىنان رەيستەردٸ ۇيىمداستىرۋ جۇمىسى ٸستەلگەن. قازٸر كٷيەۋٸم مەن كومپانييا پرەزيدەنتٸنٸڭ امان-ەسەن جەتكەنٸنە جەنە ولار قازاقستاندىقتارمەن بٸرگە ورالعانىنا ٶتە قۋانىشتىمىز", - دەدٸ نينا نەبوگا.
قازاقستاندىق ەنەل امانعاليەۆا اعاسىنىڭ پولشادان كەلۋٸن كٷتتٸ. ول قاقتىعىس باستالعان كەزدە كيەۆتە وقىپ جٷرگەن.
"بٸز ولارمەن دەرەۋ حابارلاسىپ, ەلشٸلٸككە جٷگٸندٸك. ال ولار الىپ كەتۋگە ۋەدە بەردٸ. كەمەلەتكە تولماعاندار بٸردەن ەلشٸلٸكتە تٷنەپ شىقتى, ٶيتكەنٸ بٸردەن كەتۋگە كٶلٸك بولمادى. تاڭەرتەڭ ەرتە ولاردى لۆوۆقا اپارعان, بٸراق قالاعا جەتۋ ٷشٸن 16 ساعات كەتكەن. سودان كەيٸن پولشاعا ۇزاق جول جٷرگەن. شەكاراعا جەتكەندە بايلانىسىمىز ٷزٸلدٸ. اعام ولاردى ەلشٸ جالعىز قالدىرعانىن جازىپ ٷلگەردٸ. بٸز قورقا باستادىق, ەلەۋمەتتٸك جەلٸدە رەزونانس تۋدىرعان جازبالار جارييالادىق.
كەيٸن ەلشٸلٸك حابارلاسىپ, بايلانىس نەگە ٷزٸلٸپ كەتكەنٸن تٷسٸندٸردٸ. سٶيتسەك, ولار ازاماتتاردى شەكارادا كەزەكسٸز ٶتكٸزە الماعانى بەلگٸلٸ بولدى. بٸر افريكالىق اۆتوبۋس كەزەكسٸز ٶتكٸسٸ كەلٸپ, اۋدارىلىپ قالعان. نەتيجەسٸندە ولارمەن بٸرگە ەلشٸلٸك قىزمەتكەرلەرٸنٸڭ بٸر بٶلٸگٸ قالىپ, ال قالعانى ەۆاكۋاتسييا جۇمىستارىن ۇيىمداستىرۋ ٷشٸن ەرتەرەك كەتكەن", - دەدٸ ۋكراينادان ورالعان قازاقستاندىقتىڭ ەپكەسٸ.
الماتىلىق كەسٸپكەر نيكولاي تاتارەنكو شيەلەنٸس ۋشىققانعا دەيٸن بٸرنەشە جىلدان بەرٸ ۋكراينا مەن قازاقستاندا بيزنەس جٷرگٸزٸپ, ودەسسا پورتى ارقىلى قىتاي مەن ەۋروپادان اۆتوكٶلٸكتەر جەتكٸزەدٸ. بىلتىر جىل سوڭىندا نيكولاي ۋكرايناعا ٸسساپارمەن كەتكەن.
"ۋكرايناعا ٷش اي بۇرىن باردىم. جاعداي شيەلەنٸسٸپ تۇرعانىن تٷسٸندٸم, بٸراق سوڭىنا دەيٸن بۇلاي بولاتىنىنا سەنبەدٸم. وقيعا بولىپ جاتقاندا, لۆوۆتا بولدىم. سوعىستى كٶرگەن جوقپىن, بٸراق شامامەن ەكٸ ساعات سايىن ەۋە دابىلى سيرەنالارى ەستٸلدٸ. بٸز قازاقستان كونسۋلدىعىندا بولدىق. بٸزگە ديپميسسييا قىزمەتكەرلەرٸ كٶمەكتەستٸ. ولار بٸزدٸ لۆوۆتان شەكاراعا اپاراتىن اۆتوبۋس ۇيىمداستىردى. سونداي-اق, كەزەكتەن ٶتۋٸمٸزگە دە كٶمەكتەستٸ. بٸزدٸ الىپ جٷرگەن پوليتسييا كٶلٸگٸ بولدى, بٸراق بەرٸبٸر اۆتوبۋستار كەزەكتە تۇردى. بٸز دە كەپتەلٸسكە تۇرىپ قالدىق. پولشا جاعىنا ٶتكەن كەزدە بٸردەن تاماقتاندىردى. شاي ٸشتٸك. كەيٸن جاقسى قوناقٷيگە الىپ باردى, وندا ٶزٸمدٸ بوسقىن سەكٸلدٸ سەزبەدٸم, تاماقتاندىردى. وندا تاعى ەكٸ اۆتوبۋس كەلۋٸن كٷتتٸك, سودان كەيٸن ۇشاققا وتىردىق, بٸزدٸ الىپ كەتتٸ", - دەدٸ ەر ادام.
ول جاعداي قالىپقا كەلگەن كەزدە ۋكرايناعا ورالىپ, بيزنەسٸن جالعاستىرعىسى كەلەتٸنٸن اتاپ ٶتتٸ.
باعلان ايازباەۆ پەن لانا ديكانچيەۆا ٷش بالاسىمەن بٸرگە كيەۆتە كەيٸنگٸ ٷش جىلدان بەرٸ تۇردى. ولار بٸلٸم بەرۋ سالاسىندا بيزنەسپەن اينالىسادى. ولار 24 اقپاندا ساعات 05:00-دە جارىلىس دىبىسىنان ويانعان. سناريادتار كيەۆ وبلىسى اۋماعىنا قۇلاعان, بٸراق ەرلٸ-زايىپتى بەرٸن ەستٸگەن.
"بٸز جاعدايدى قاداعالاپ, پسيحولوگييالىق تۇرعىدان دايىن بولدىق. بٸراق وسىنداي نەرسە بولادى دەگەنگە سەنبەدٸك. جارىلىستاردى ەستٸگەندە, جاقسى, قازٸر توقتايدى دەپ ويلادىق. بٸراق كەيٸن ەۋە دابىلى ەستٸلدٸ. بالالاردى جيناپ, تەك قۇجاتتاردى الدىق, تٸپتٸ جولدا تاماق المادىق. تانىس اۋىلدارعا قاراي جول تارتتىق, كيەۆتەن نەعۇرلىم الىسقا كەتۋ كەرەك ەكەنٸن تٷسٸندٸك. جولدا ەلشٸلٸكتەن حابار الدىق. سۋ, نان الىپ, لۆوۆقا قاراي بەت الدىق. ٶزٸم ەكٸ كٷن بويى ەشتەڭە جەگەن جوقپىن, بٸراق بالالار ٷشٸن قاتتى ۋايىمدادىم. بٸزگە بارلىق جەردە كٶمەكتەسكەندەرٸ تاڭعالدىردى, بارلىعى جاقسى ۇيىمداستىرىلعان. شەكارادا ۋكراينا مەن پولشادان كەلگەن ەرٸكتٸلەر بەرٸن تٷسٸندٸرٸپ تۇردى", - دەدٸ لانا ديكانچيەۆا ەۋەجايىندا.
لۆوۆقا كەلگەننەن كەيٸن ولار ۋكراينادان ەۆاكۋاتسييالانعان قازاقستاندىقتارعا قوسىلعان. شەكاراعا 19 شاقىرىم جەردە ولار ەكٸ كٷنگە جۋىق جٷرٸپ, اۆتوبۋستا تٷنەگەن. قازاقستان ەلشٸلٸگٸ قىزمەتكەرلەرٸنٸڭ ارقاسىندا عانا كەزەكتە تۇرسا دا شەكارادان تەز ٶتكەن.
"بٸز جىلى اۆتوبۋسپەن جٷردٸك, ال "جاسىل دەلٸز" ارقىلى بالا ۇستاعان انالار جٷردٸ. ۋكرايناداعى ەر ادامدارعا ەلدەن كەتۋگە تىيىم سالىندى, ەيەلدەر عانا ەۆاكۋاتسييالاندى. 19 شاقىرىم جاياۋ جٷرٸپ, كٶشەدە تٷنەدٸ. بۇل ۋكراينادا كٶرگەن ەڭ اۋىر كٶرٸنٸس بولدى. كەيبٸرەۋلەرٸ بٸزگە ٶتٸنٸش جاسادى, بٸراق ولاردى الا المادىق. بٸز قاۋٸپسٸز, جىلى جەردە بولدىق, ولار سول جەردە, كٶشەدە قالدى. بٸزدٸڭ جولىمىز بولدى, تەز كەتٸپ قالدىق", - دەدٸ قازاقستاندىق.
ولاردىڭ ايتۋىنشا, ۋكراينادا ولاردىڭ دوستارى قالعان, قايتا ورالعىلارى كەلەدٸ.
"ەير استانا" كومپانيياسىنىڭ پرەزيدەنتٸ پيتەر فوستەر رەپاترياتسييالىق بورتتان سوڭعى بولىپ تٷستٸ. ونىڭ ايتۋىنشا, ۆيتسە-پرەزيدەنتپەن بٸرگە ۋكرايناعا سوعىس باستالعانعا دەيٸن تٷندە كەلگەن.
"مەن, بٸزدٸڭ ۆيتسە-پرەزيدەنت جەنە ۋكرايناداعى ٶكٸل ۆەرونيكا ەلشٸلٸككە باردىق. دارحان كەلەتاەۆپەن كەزدەستٸك. تٶتەنشە جاعداي كەزٸندە بٸرنەشە ساعات ٸشٸندە ەلشٸمەن, ونىڭ ەرٸپتەستەرٸمەن جەنە قىزمەتكەرلەرمەن ەۆاكۋاتسييا جوسپارىن ەزٸرلەدٸك. ەلەستەتٸپ كٶرٸڭٸزشٸ, قيىن جاعداي بولدى. بٸز بەن ەلشٸلٸك ەۆاكۋاتسييا جوسپارى بويىنشا جۇمىس ٸستەۋگە مەجبٷر بولدىق. بەرٸ قالاي باستالعانىن ٶز كٶزٸمٸزبەن كٶردٸك. كەلەسٸ تٷندٸ ەلشٸلٸكتە ٶتكٸزدٸك. سول كەزدە ەۆاكۋاتسييا ٷشٸن جولاۋشىلار ەلشٸلٸككە كەلدٸ. بٸز ازداپ دەمالۋعا مٷمكٸندٸك الدىق, بٸراق سەل عانا ۋاقىت. ەلشٸلٸك قوناقجايلىق كٶرسەتتٸ. كەلەسٸ كٷنٸ تاڭەرتەڭ ساعات جەتٸدە 15 كٶلٸكتەن تۇراتىن كونۆوي لۆوۆقا قاراي بەت الدى", - دەيدٸ پەتر.
كومپانييا پرەزيدەنتٸنٸڭ ايتۋىنشا, لۆوۆقا ساپار جولداعى جٷكتەمە مەن قاۋٸپسٸز مارشرۋتتى تاڭداۋعا بايلانىستى 18 ساعات ۋاقىتتى العان. ولار كونسۋلدىققا 26 اقپاندا ساعات 03:00-دە بارعان. سوڭعى 100 شاقىرىمدى ەڭسەرۋگە جەتٸ ساعات كەتكەن.
"5:30-دا شەكارادان كەتۋگە تىرىسقان ادامداردىڭ كەزەگٸنٸڭ سوڭىنا جەتتٸك. شەكاراعا دەيٸنگٸ 19 شاقىرىمعا 12 ساعات ۋاقىت كەتتٸ. سەنبٸدە ساعات 16:00-دە پولشادا بولدىق. شەكاراداعى جاعداي ٶتە كٷردەلٸ. بۇرىن مۇنداي نەرسەنٸ كٶرگەن ەمەسپٸن, ەندٸ كٶرمەيمٸن دەپ ٷمٸتتەنەمٸن. شەكارادان ٶتۋگە تىرىسقان مىڭداعان ادام بار. ەگەر ەلشٸ مەن ەلشٸلٸك قىزمەتكەرلەرٸ قولداۋ كٶرسەتپەسە, ودان دا كٶپ بولار ەدٸ", - دەدٸ پيتەر فوستەر.
اۆياكومپانييا ٶكٸلٸنٸڭ ايتۋىنشا, قازاقستاننىڭ ۋكرايناداعى ەلشٸسٸ كيەۆتە قازاقستاندىقتاردى ەۆاكۋاتسييالاۋ بويىنشا ٸس-قيمىلداردى جالعاستىرىپ جاتىر. وعان "ەير استانا" ٶكٸلٸ كٶمەكتەسەدٸ. پولشادان قازاقستانعا كەلەتٸن ەكٸنشٸ رەپاترياتسييا رەيسٸ 1 ناۋرىزدا تٷسكە دەيٸن ۇشادى دەپ جوسپارلانىپ وتىر. فوستەر ۋكراينادان كەتكٸسٸ كەلگەن بارلىق قازاقستاندىقتى الىپ كەتپەيٸنشە, رەيستەر جالعاساتىنىنا سەندٸردٸ. "ەير استانا" پرەزيدەنتٸنٸڭ ايتۋىنشا, ەۆاكۋاتسييا ٷشٸن قازاقستاندىقتاردى جيناۋ جولعا قويىلعان جەنە بەرٸ تەز ٸسكە اسىرىلادى.
