جۋرناليست دايارلاۋ ٷدەرٸسٸنە «اۆتورلىق بٸلٸم باعدارلامالارىن» ەنگٸزۋٸمٸز كەرەك. بۇل تۋرالى ل. ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى ەرلان سىدىقوۆ مەلٸم ەتتٸ, دەپ حابارلايدى قازاقپارات.
«قازٸر ەلەم جۋرناليستٸك بٸلٸمگە جاڭا كٶزقاراستىڭ قاجەتتٸگٸن سەزٸنە باستادى. بۇل نەدەن تۋىندايدى? ەرينە, اقپارات تەحنولوگييالارىنىڭ دامۋى بٸر باسقا, ادامداردىڭ قابىلداۋ ەرەكشەلٸگٸ دە مٷلدەم ٶزگەردٸ. بٸرٸڭٸز جاھاندانۋ, بٸرٸڭٸز عالامدانۋ دەپ جٷرگەن ٷدەرٸس ٶمٸردٸڭ بار سالاسىنا جاڭالىقتار الىپ كەلٸپ جاتىر. وسى ٶزگەرٸستٸڭ باسىندا اقپارات نەمەسە جۋرناليستيكا جٷرەرٸ سٶزسٸز. ٶز باسىم ۋنيۆەرسيتەت باسشىسى رەتٸندە عانا ەمەس, ەلدەگٸ اقپارات جٷيەسٸنە, اشىق باق الاڭدارىنا شىعىپ جٷرگەن ازامات رەتٸندە بٷگٸنگٸ جۋرناليستيكا مەن اقپاراتتىق بٸلٸمگە بەيجاي قاراي المايمىن», - دەدٸ ە. سىدىقوۆ ونلاين-فورماتتا «قازاقستان رەسپۋبليكاسىنداعى جۋرناليستيكا دەڭگەيٸ» تاقىرىبىندا ٶتكەن تالقىلاۋ بارىسىندا.
وسى ورايدا ول تيٸستٸ ۇسىنىستارىن ورتاعا سالدى.
«بٸرٸنشٸدەن, قازٸر قازاقستان ۋنيۆەرسيتەتتەرٸ اۆتونوميياعا قاراي قادام باسىپ, ٶزٸندٸك بٸلٸم باعدارلامالارىن جاساۋعا مٷمكٸندٸك الدى. وسىنى پايدالانىپ, جۋرناليست دايارلاۋ ٷدەرٸسٸنە «اۆتورلىق بٸلٸم باعدارلامالارىن» ەنگٸزۋٸمٸز كەرەك. تاياۋدا بٸلٸم جەنە عىلىم مينيسترلٸگٸ عىلىمي دەرەجەدەن گٶرٸ شىعارماشىلىق تەجٸريبەنٸ قاجەت ەتەتٸن قولدانبالى ماماندىقتار قاتارىندا جۋرناليستيكانى اتادى. بٸز وسى يدەيانى قولدايمىز. جۋرناليستيكا فاكۋلتەتٸنە اتى-زاتى بار, تەجٸريبەسٸ مول جۋرناليستەر تارتىلۋى كەرەك. مىسالى, «ساۋىتبەك ابدراحمانوۆتىڭ سىنىبى», «نۇرتٶرە جٷسٸپتٸڭ سىنىبى», «جانبولات اۋپباەۆتىڭ سىنىبى», «جارىلقاپ بەيسەنبايۇلىنىڭ سىنىبى», «بيبٸگٷل جەكسەمباي سىنىبى» دەسە, بۇعان بٷكٸل ەل, بارشا جۋرناليستەر قاۋىمى, ەسٸرەسە تالاپكەرلەر ەلەڭ ەتە قالار ەدٸ. ەرينە, تەورييالىق بٸلٸم پراكتيكا قاپتالىندا جٷرە بەرەدٸ», - دەدٸ رەكتور.
