بٷگٸن شۆەيتسارييانىڭ نون قالاسىندا UEFA ەۋروپا ليگاسى بٸرٸنشٸ ٸرٸكتەۋ ساتىسىنىڭ جەرەبەسٸ تارتىلدى. دوپ دوداسىندا ەلٸمٸزدٸڭ اتىنان سىنعا تٷسەتٸن الماتىنىڭ «قايرات» جەنە شىمكەنتتٸڭ «ورداباسى» كوماندالارىنىڭ قارسىلاستارى انىقتالدى, دەپ حابارلايدى "ۇلت اقپارات".
العاشقى ٸرٸكتەۋ ساتىسىندا «قايرات» ارمەنييانىڭ «نوا» كومانداسىمەن شەبەرلٸك بايقاسادى. اتالعان كلۋب 2017 جىلى قۇرىلعان. بيىل ارمەنييا چەمپيوناتىندا كٷمٸس جٷلدەگە قول سوزىپ, وعان قوسا كۋبوك يەگەرٸ اتاندى. ەۋروكۋبوك ويىندارىنا تۇڭعىش مەرتە قاتىسىپ وتىر.
ال «ورداباسى» رۋمىنييانىڭ «بوتاشاني» كلۋبىمەن كەزدەسەدٸ. «بوتاشاني» 2001 جىلى قۇرىلعان. بيىل ٶز ەلٸندە تۇڭعىش مەرتە قولا جٷلدەگە قول سوزدى.
قازاقستاندىق تاعى بٸر كلۋب «قايسار» تۋرنيردٸڭ ەكٸنشٸ ساتىسىندا العاشقى قارسىلاسىمەن شەبەرلٸك بايقاسادى.
بيىل ەۋروپا ليگاسىندا ٸرٸكتەۋ كەزەڭٸندە جەڭٸمپاز بٸر عانا ويىننان انىقتالادى. كەزدەسۋدە تەڭ نەتيجە تٸركەلگەن جاعدايدا جارىستىڭ كەلەسٸ ساتىسىنا بەرٸلەتٸن جولداما يەسٸ قوسىمشا كەزەڭ نەمەسە پەنالتي سەريياسى ارقىلى بەلگٸلٸ بولادى.
