Búgin Shveitsariianyń Non qalasynda UEFA Eýropa ligasy birinshi irikteý satysynyń jerebesi tartyldy. Dop dodasynda elimizdiń atynan synǵa túsetin Almatynyń «Qairat» jáne Shymkenttiń «Ordabasy» komandalarynyń qarsylastary anyqtaldy, dep habarlaidy "Ult aqparat".
Alǵashqy irikteý satysynda «Qairat» Armeniianyń «Noa» komandasymen sheberlik baiqasady. Atalǵan klýb 2017 jyly qurylǵan. Biyl Armeniia chempionatynda kúmis júldege qol sozyp, oǵan qosa kýbok iegeri atandy. Eýrokýbok oiyndaryna tuńǵysh márte qatysyp otyr.
Al «Ordabasy» Rýmyniianyń «Botashani» klýbymen kezdesedi. «Botashani» 2001 jyly qurylǵan. Biyl óz elinde tuńǵysh márte qola júldege qol sozdy.
Qazaqstandyq taǵy bir klýb «Qaisar» týrnirdiń ekinshi satysynda alǵashqy qarsylasymen sheberlik baiqasady.
Biyl Eýropa ligasynda irikteý kezeńinde jeńimpaz bir ǵana oiynnan anyqtalady. Kezdesýde teń nátije tirkelgen jaǵdaida jarystyń kelesi satysyna beriletin joldama iesi qosymsha kezeń nemese penalti seriiasy arqyly belgili bolady.
