ەۋروپا ليگاسىندا سىنعا تٷسەتٸن «استانا» جەنە «قايسار» كلۋبتارىنىڭ قارسىلاستارى ەلٸمٸزگە كەلدٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, اتالعان تۋرنيردٸڭ ەكٸنشٸ ٸرٸكتەۋ ساتىسىندا ٶز الاڭىندا «استانا» - چەرنوگورييانىڭ «بۋدۋچنوست», «قايسار» - كيپردٸڭ اپوەل كلۋبتارىن قابىلدايدى. سونداي-اق, الماتىنىڭ «قايراتى» يزرايلدە «ماككابي» (حايفا) كومانداسىمەن شەبەرلٸك بايقاسادى.
«استانا» بيىل سەگٸزٸنشٸ مەرتە باق سىناپ وتىر. 2015 جىلى چەمپيوندار ليگاسى توپتىق كەزەڭٸندە ويناسا, 2016, 2017, 2018, 2019 جىلداردا ەۋروپا ليگاسى توپتىق كەزەڭٸندە ەل نامىسىن قورعادى. 2017 جىلى ەۋروپا ليگاسىندا تۋرنيردٸڭ 1/16 فينالىنا دەيٸن جەتتٸ.
«استانا» مەن «بۋدۋچنوست» كوماندالارى اراسىنداعى ويىن ەرتەڭ 17 قىركٷيەك ەلوردا ۋاقىتىمەن ساعات 20.00-دە باستالادى. كەزدەسۋ الماتى قالاسىنداعى ورتالىق ستاديوندا ٶتكٸزٸلەدٸ.
«قايسار» ەۋروكۋبوك ويىندارىندا تۇڭعىش مەرتە قاتىسادى. كوماندا بىلتىر قازاقستان كۋبوگىن تٶبەسٸنە كٶتەردٸ. قىزىلوردالىق كلۋب 1999, 2000 جىلداردا ازييا كۋبوك يەلەرٸ كۋبوگىندا ەلٸمٸزدٸڭ اتىنان قاتىسقان بولاتىن.
«قايسار» مەن اپوەل كوماندالارى اراسىنداعى ويىن 17 قىركٷيەكتە ەلوردا ۋاقىتىمەن 18.00-دە باستالادى. كەزدەسۋ شىمكەنت قالاسىنداعى ق.مۇڭايتپاسوۆ اتىنداعى ستاديوندا بولادى.
ال «قايرات» ەۋروكۋبوك ويىندارىنا بيىل ونىنشى مەرتە قاتىسادى. 2005 جىلى چەمپيوندار ليگاسى بٸرٸنشٸ ٸرٸكتەۋ ساتىسىندا باق سىنادى. قالعانىندا ەۋروپا ليگاسى (ۋەفا كۋبوگى) تۋرنيرٸندە ەل نامىسىن قورعادى.
«ماككابي» (حايفا) مەن «قايرات» اراسىنداعى كەزدەسۋ ەرتەڭ ەلوردا ۋاقىتىمەن 23.00-دە باستالادى.
قازاقستاندىق كلۋبتاردىڭ قاتىسۋىمەن ٶتەتٸن بارلىق ويىن «Qazsport» تەلەارناسىنان تٸكەلەي ەفيردە كٶرسەتٸلەدٸ.
